2017-04-27 13:36

"ქართული ოცნების" მაჟორიტარი დეპუტატები, ქვეყნის საარჩევნო სისტემის სრულად მაჟორიტარულზე გადასვლას ითხოვენ. ამის შესახებ განცხადება ფრაქცია "ქართული ოცნების" წევრმა, ვიქტორ ჯაფარიძემ გააკეთა. 

ჯაფარიძე ამბობს, რომ მაჟორიტარული სისტემა უფრო დემოკრატიული და სწორია, რადგან მოსახლეობამ ხმის მიცემის დროს, პროპორციული სისტემისგან განსხვავებით, იცის, ვის აძლევს ხმას და ირჩევს არა პარტიას, არამედ კონკრეტულ პიროვნებას. 

"მე თუ მკითხავთ, სულ მაჟორიტარული უნდა იყოს. პირდაპირი წესით ირჩევ კაცს, რომელიც იცი ვინ არის. მოქალაქემ მხოლოდ პროპორციული სიის პირველი ათეული იცის, შემდეგი კანდიდატები კი არა. თუ ჩვენ დემოკრატიულ არჩევნებზე ვსაუბრობთ, პირდაპირი წესით არჩევა არ არის უფრო დემოკრატიული? ან ვინმემ ამიხსნას, რატომ არ არის მაჟორიტარული წესით არჩევნები დემოკრატიული?",- განაცხადა ვიქტორ ჯაფარიძემ.