იტალიაში ბოლო 24 საათის განმავლობაში კორონავირუსით 433 ადამიანი დაიღუპა. ქვეყანაში დღე-ღამის მანძილზე დაინფიცირების 3 047 შემთხვევა დაფიქსირდა.

საქართველოში კორონავირუსისგან უკვე 93 ადამიანია გამოჯანმრთელებული. ამის შესახებ ინფორმაცია მთავრობის მიერ შექმნილ სპეციალურ ვებ-გვერდზე stopcov.ge-ზე არის განთავსებული. კარანტინის რეჟიმშია 5 094 ადამიანი, ხოლო სტაციონარში მეთვალყურეობის ქვეშ - 547 პირი.

თბილისში, ვაკე-საბურთალოს ტერიტორიაზე შუა ხნის ქალი სავარაუდოდ, ბრმა ტყვიას ემსხვერპლა.

დიდი ბრიტანეთში, ოქსფორდის უნივერსიტეტის მკვლევარები მომავალი კვირიდან COVID-19-ის საწინააღმდეგო ვაქცინის წარმოებას დაიწყებენ, რომლის კლინიკური ტესტირებაც ჯერ არ ჩატარებულა. ამის შესახებ ინფორმაციას Sky News ავრცელებს. 

თბილისში, კოსტავას ქუჩაზე მდებარე მიხეილ სააკაშვილის საპრეზიდენტო ბიბლიოთეკაში ხანძარია.

ექიმი არ ვარ, მაგრამ მგონია, თუ ადამიანს სჯერა, თუ მტკიცეა, მისი იმუნური სისტემაც ძლიერდება ,- ამის შესახებ ახალქალაქისა და კუმურდოს მიტროპოლიტმა მეუფე ნიკოლოზმა ჟურნალისტებს განუცხადა.

ქუთათელ გაენათელი მიტროპოლიტის მეუფე იოანე გამრეკელის განცხადებით, 21 აპრილს ტაძარში დიდი პანაშვიდი გაიმართება.

პოლიცია, საქართველოს მთავრობის მიერ საგანგებო მდგომარეობის ფარგლებში ზომების მნიშვნელოვანი გამკაცრების შესახებ მიღებული გადაწყვეტილების მოთხოვნების აღსრულების და ე.წ. კომენდანტის საათის ფარგლებში დაწესებული შეზღუდვების დამრღვევი პირების გამოვლენის მიზნით, 24-საათიან რეჟიმში მუშაობას განაგრძობს. შინაგან საქმეთა სამინისტროს შესაბამისი დანაყოფების თანამშრომლები, ქვეყანაში კორონავირუსის გავრცელების აღკვეთისა და პრევენციის მიზნით, სამართალდარღვევის ყველა ფაქტზე ოპერატიულად რეაგირებენ. ამის შესახებ ინფორმაციას შსს ავრცელებს.

თსსუ-ის პირველ საუნივერსიტეტო კლინიკაში ამჟამად სულ 108 პაციენტია მოთავსებული, მათგან 90 covid-19-ით ინფიცირებულია.

როგორც კლინიკის მიერ სოციალურ ქსელში გავრცელებულ ინფორმაციაშია აღნიშნული, კრიტიკული მედიცინის დეპარტამენტში 9 პაციენტი მკურნალობს, ხოლო 81 პაციენტი თერაპიულ განყოფილებაშია მოთავსებული. აღსანიშნავია, რომ დღეს კლინიკიდან კიდევ 1 გამოჯანმრთელებული პაციენტი გაეწერა.

ბათუმის კლინიკა „მედალფას“ დირექტორის ალექსი გოხელაშვილის განცხადებით, ამჟამად კლინიკაში 39 პაციენტი იმყოფება, მათ შორის ერთი მძიმე მდგომარეობაშია. როგორც მან ჟურნალისტებს განუცხადა, კლინიკა უკვე დატოვა სამმა გამოჯანმრთელებულმა ადამიანმა და კორონავირუსზე ტესტის შედეგს კიდევ 3 ადამიანი ელოდება.