საქართველოს პრემიერმინისტრმა მომატებული ძალადობის ფაქტები წინა ხელისუფლების დროს საზოგადოების დიდი ნაწილის მიერ გადატანილი რეპრესიებით, წამებითა და აგრესიით ახსნა და არ გამორიცხა, რომ ფსიქოლოგიურ პრობლემასთან სწორედ ამის გამო გვქონდეს საქმე.

"რესპუბლიკური პარტიის" წევრი დავით ბერძენიშვილი რადიო "პალიტრის" ეთერში ამბობს, რომ ხანდახან ალასანიასა და რესპუბლიკელების წინააღმდეგ სტატიებს სახელისუფლებო კულუარებიდანაც უკვეთავენ. მისი თქმით, ის პირები, ვინც ამას აკეთებდნენ, ახლა ხელისუფლებაში აღარ არიან.

საქართველოს თავდაცვისა და შს ყოფილი მინისტრი, მსჯავრდებული ბაჩო ახალაია ქართველ ხალხს განაჩენის გამოტანის შემდეგ პირველად, "ფეისბუქით" მიმართავს.

სიტყვიერი შეურაცხყოფის მორიგი ტალღა გადაცემა "არჩევანში". ერთმანეთს ამჯერად პირდაპირ ეთერში ადვოკატი გოგა ონიანი და "პატრიოტთა ალიანსის" ლიდერი, ირმა ინაშვილი დაუპირისპირდნენ.

საქართველოს პარლამენტის წევრი „ნაციონალური მოძრაობიდან“ გივი თარგამაძე რუსული მედიიდან სქრინ-ფოტოს აქვეყნებს, სადაც რუსეთიდან საქართველოში „კანონიერი ქურდის“ გამოძევებაზეა საუბარი. თარგამაძე წერს, რომ კრიმინალური ავტორიტეტი საქართველოში არ დაუკავებიათ და ეს უკვე მე-13 შემთხვევაა.

"ერთიანი ნაციონალური მოძრაობის" ერთერთი ლიდერი, უშიშროების საბჭოს ყოფილი მდივანი გიგა ბოკერია აცხადებს, რომ არ აპირებს იმის ფსიქოანალიზს, რასაც დღევანდელი ხელისუფლება აკეთებს და არ საუბრობს იმაზე, ეს კვალიფიკაციის ნაკლებობის შედეგია თუ მიზანმიმართული ქმედებები, რადგან ქვეყნისთვის მთავარი არის შედეგი და ეს შედეგი არის დამღუპველი.

ილიაუნში მოკლული ლექტორის დედა აცხადებს, რომ მისი ყოფილი სიძე ამნისტირებული იყო. ის ორჯერაა ნასამართლევი.

საქართველოს პრემიერმინისტრის წარმომადგენელი ქართულ-რუსულ მოლაპარაკებებზე ზურაბ აბაშიძე აცხადებს, რომ პრაღის ფორმატზე უარის თქმა ადვილია და ამისთვის მხოლოდ ერთი ზარია საჭირო, მაგრამ თუ ეს მოხდება, რუსეთთან პირდაპირი დიალოგის დაწყება სხვა ფორმით დაგვჭირდება.

თბილისის ყოფილი მერი გიგი უგულავა აცხადებს, რომ ღარიბაშვილი და, შესაბამისად, ივანიშვილი, ხელისუფლებას თვითონ "ქართულმა ოცნებამ" უნდა ჩამოაშოროს. უგულავა ღარიბაშვილს "შიზოფრენიკს" უწოდებს და იქვე დასძენს, რომ "ნაციონალური მოძრაობა", რომელსაც ჯერ კიდევ "ბევრი განსაწმენდელი აქვს გასავლელი", დღეს ხელისუფლებაში მოსასვლელად მზად არ არის.

საქართველოს მესამე პრეზიდენტი მიხეილ სააკაშვილი აქვეყნებს "ერთიან პლატფორმას ახალი დღისთვის" და საქართველოში მიმდინარე პროცესებზე, ასევე მის ხვალინდელ დღეზე, საშინაო თუ საგარეო პლოიტიკის პრიორიტეტებზე და სხვადასხვა სფეროებზე საკუთარ ხედვას ვრცლად აყალიბებს.