2014-01-24 19:36

„გიგი უგულავა ევროპაში გაემგზავრა, სადაც ის სხვადასხვა ოფიციალურ შეხვედრებს გამართავს“, - ამის შესახებ გიგი უგულავას „ფეისბუქის“ გვერდზეა აღნიშნული.

ვიზიტის ფარგლებში, დაგეგმილია მისი მონაწილეობა ბრიუსელში, ევროპის სახალხო პარტიის პოლიტიკური ასამბლეის შეხვედრაში, სადაც ასამბლეის მონაწილეებს სიტყვით მიმართავს.

ბრიუსელში გიგი უგულავა სიტყვით გამოვა ასევე ევროპარლამენტის აღმოსავლეთ პარტნიორობის სამუშაო ჯგუფის შეხვედრაზე და ევროპარლამენტარებს შეხვდება.

სხვადასხვა შეხვედრები გაიმართება ქალაქ სტრასბურგშიც, სადაც გიგი უგულავა ევროპის საბჭოს საპარლამენტო ასამბლეის სახალხო პარტიის წარმომადგენელთა ჯგუფის შეხვედრას დაესწრება.