2013-12-11 10:10

თბილისის დროით 03:00-ზე კიევში, ევრომაიდანზე „ბერკუტისა“ და შინაგანი ჯარების ნაწილებმა დემონსტრანტები დაარბიეს.

რამდენიმე კარავს ცეცხლი გაუჩნდა, წინასწარი ინფორმაციით, მილიციის სპეცრაზმმა ცრემლსადენი გაზი გამოიყენა, თუმცა, ამ ინფორმაციას შსს არ ადასტურებს. დააკავეს მომიტინგეები, რამდენიმე დემონსტრანტი დაშავდა.

„ბერკუტი“ მაიდანზე კიევის დროით 00:06-ზე, თბილისის დროით 02:06-ზე გამოჩნდა. ოპოზიციის ლიდერები და გამომსვლელები სცენიდან „ბერკუტს“ დარბევის შეწყვეტისკენ მოუწოდებდნენ, კითხულობდნენ „მამაო ჩვენოს“, ისმოდა მოწოდებები: „კიევო, გამოდი!“

„ბერკუტმა“ იერიში პროფკავშირების სასახლეზეც მიიტანა, თუმცა, უშედეგოდ. კიევის დროით სამი საათისთვის „ბერკუტმა“ შტურმი შეწყვიტა, რის შემდეგაც დემონსტრანტები ისევ დამოუკიდებლობის მოედანზე შეიკრიბნენ. უკრაინის შსს-ს მონაცემებით, შტურმის დროს მაიდანზე დაახლოებით ათასამდე ადამიანი იმყოფებოდა.