ლუგანსკის ოლქში 20 რუსული ტანკი და 122 ერთეული ჯავშანტექნიკაა, რომელიც რუსეთის მხრიდან შემოვიდა. ამის შესახებ უკრაინის ნაციონალური გვარდიის ინფორმაციული უსაფრთხოების ხელმძღვანელმა იური სტეცმა განაცხადა.
"უკრაინის საჰაერო სივრცე გადმოკვეთა ორმა რუსულმა ვერტმფრენმაც. დღესვე რუსეთის მხრიდან სეპარატისტებით სავსე ოთხი "კამაზის" გადაადგილება დაფიქსირდა", - განაცხადა იური სტეცმა.
ამასთან, უკრაინული მედია რუსულ მედიაში გავრცელებულ ინფორმაციაზე დაყრდნობით აღნიშნავს, რომ უახლოეს ორ დღეში შესაძლოა, რუსეთმა აღმოსავლეთ უკრაინაში "სამშვიდობოები" შეიყვანოს.