როგორ იპარავდა კლიენტების პლასტიკური ბარათებიდან თანხებს შარდენზე მდებარე ბარის მიმტანი

Image

კრიმინალურმა პოლიციამ გასულ კვირას თბილისში, შარდენზე მდებარე ცნობილი ბარის მიმტანთან ერთად  ამავე ბარის ერთ-ერთი მეპატრონე დააპატიმრა.

 

როგორც ირკვევა, 26 წლის ელენე 24 წლის გიორგისთან შეთანხმებით, სპეციალური მოწყობილობების, ე.წ. „რიდერის“ საშუალებით, 2014 წლის მარტიდან მაისამდე უკანონოდ აგროვებდა ბარის სხვადასხვა კლიენტის საბარათე მონაცემებს და კლიენტების მიერ თანხის გადახდის დროს ტერმინალებზე დაფიქსირებულ პინ-კოდებს იმახსოვრებდა.

 

სამართალდამცველებმა მათი საცხოვრებელი ბინების ჩხრეკისას უკანონოდ  მითვისებული თანხები, 47 ცალი პლასტიკური ბარათი, ტექნიკური მოწყობილებები - ე.წ. „რიდერი“ და „რაითერი“, კომპიუტერული ტექნიკა და მეხსიერების ფლეშ-ბარათები ამოიღეს.

 

„2012 წლის სექტემბერში გავხსენით ეს ობიექტი, მანამდე ვმეგობრობდით... გვქონდა კარგი პიროვნული ურთიერთობა და ვენდობოდი. ჩვენთან წილები 50/50-ზე იყო გადანაწილებული... საკმაოდ ცნობილი ბარია. ყოველდღიურად ვიღებთ უამრავ სტუმარს, ტურისტს და ის, რაც მოხდა, ჩვენს იმიჯზე სერიოზულად აისახება...

 

ერთადერთი, ვიცოდი, რომ მათ ინტიმური ურთიერთობა ჰქონდათ, დანაშაულებრივი კავშირიც თუ ექნებოდათ, ნამდვილად ვერ წარმოვიდგენდი. არასოდეს შემიმჩნევია ეს გოგონა მსგავს ქმედებებში. სამსახურში საკმაოდ დადებითი რეკომენდაციის საფუძველზე მივიღეთ“, - განუცხადა „პრაიმტაიმს“ ბარის თანამფლობელმა.

 

კრიმინალური პოლიციის დეპარტამენტის კიბერდანაშაულთან ბრძოლის სამმართველოს უფროსის მოადგილე, ოთარ გადაბაძე აცხადებს, რომ დამნაშავეები მონაცემებს კომპიუტერში ინახავდნენ და შემდეგ პროგრამულად ცარიელ პლასტიკურ ბარათზე გადაჰქონდათ შემდგომი განაღდების მიზნით.

 

„რაც შეეხება პინ-კოდს, მას მიმტანი გოგონა ვიზუალურად იმახსოვრებდა, როდესაც მომხმარებელი ანგარიშსწორების მიზნით ტერმინალზე შეიყვანდა შესაბამის კომბინაციას. ანუ, მიმტანი ბარათს ჯერ „რაიდერზე“ ატარებდა, შემდეგ ტერმინალში დებდა და ამ ტერმინალს პინ-კოდის შესაყვანად აწვდიდა მომხმარებელს. თავად კი აკვირდებოდა, რა კომბინაცია შეჰყავდა მომხმარებელს, ამას იმახსოვრებდა და შემდეგ ფურცელზე ინიშნავდა...

 

ხშირად ხდება რესტორანში, ან სხვა დაწესებულებაში მომსახურე პერსონალისთვის ბარათის გადაცემა. ეს არავითარ შემთხვევაში არ უნდა გააკეთოთ. მაქსიმალურად უნდა ეცადოთ, ბარათი თქვენი მხედველობის არეს არ გასცდეს და ამასთანავე, სიფრთხილე გამოიჩინეთ პინ-კოდის შეყვანის დროს“, - განაცხადა გადაბაძემ.

 

 

 

 

 

„პრაიმტაიმი“ 

რედაქტორის რჩევით

გაწვდით პოზიტივს! - "დები დიღმელები" სტუმრად რადიო დარდიმანდში სიმღერის პრემიერით

2023-05-15 18:57
"ავთხოვდი ჩავთხოვდი" და "ნაღდი ქალები" ასე ქვია სიმღერებს, რომლის პრემიერაც დღეს რადიო...

2 ივნისს, ლისი ივენთ ჰოლში 2000-იანი წლების ოქროს ჰიტების საღამო გაიმართება

2023-05-15 13:33
საინტერესო ინფორმაცია მათთვის, ვისაც 2000-იანების ჰიტები უყვარს - 2 ივნისს, ლისი ივენთ ჰოლში...

ქართული სცენის ვარსკვლავი, მომღერალი ნინო ჩხეიძე 27 მაისს სტოკჰოლმში იმღერებს

2023-05-11 16:10
მომღერალი და ტელეწამყვანი ნინო ჩხეიძე 27 მაისს ქალაქ სტოკჰოლმში იმღერებს.

,,ამ სიმღერების პოპური ვიცოდი გოგი დოლიძისგან" - ლაშა ღლონტის პოპურის პრემიერა რადიო დარდიმანდის ეთერში

2023-04-28 13:38
რადიო ,,დარდიმანდის" ეთერში, გადაცემაში ,,ახალი ქართული" მომღერალ ლაშა ღლონტის ახალი ქართული სიმღერის - ,,ლაშას პოპური"...
რჩეული ვიდეოები

ნინო ჩხეიძისა და ზურა ბარბაქაძის ახალი კოლაბორაცია - „წყაროზე“

2021-11-16 13:59
10 წლის შემდეგ, მომღერლების, ნინო ჩხეიძისა და ზურა ბარბაქაძის მუსიკალური დუეტი განახლდა გელა...

CHANEL - ის 2021 წლის გაზაფხულის ჩვენება (ფოტო,ვიდეო)

2021-03-12 14:06
CHANEL - ის 2021 წლის გაზაფხულის ჩვენება

კიევის ნაციონალური აკადემიური ოპერეტის თეატრის მომღერლებმა კარატინში „სულიკო“ იმღერეს(ვიდეო)

2020-04-11 17:25
კიევის ნაციონალური აკადემიური ოპერეტის თეატრის მომღერლებმა კარატინში „სულიკო“ იმღერეს.

BBC-ნიუ-იორკში, სავარაუდოდ, კორონავირუსით გარდაცვლილ ადამიანებს დიდ ორმოებში მასობრივად მარხავენ. ვიდეო

2020-04-10 15:44
ნიუ-იორკი კორონავირუსით გარდაცვლილთა რიცხვის ზრდის პარალელურად, მასობრივ საფლავებს იყენებს....

გამოკითხვა

რომელ სტუმარს გამოარჩევდით გადაცემიდან ,,ყველაზე ყვითელი"

ნიკო ქართველი - 0%
სვეტა ბაღდასაროვა - 0%
კესარია აბრამიძე - 100%
ხმების რაოდნობა: 1
ხმის მიცემა შეწყვეტილია !