2014-10-29 23:09

ლენინგრადის ოლქის ტოსნენსკის რაიონის ერთერთ სკოლაში, ფიზკულტურის გაკვეთილის მსვლელობისას 12 წლის მეექვსეკლასელი გოგონა ჟენია ს. გარდაიცვალა.

ფიზიკური ვარჯიშის მარტივი ეპიზოდის შესრულების დროს გოგონა მოულოდნელად მუხლებზე დაეცა, ყელზე იტაცა ხელი, შემდეგ კი უკან გადავარდა და თავი იატაკს დაჰკრა. ორიოდ წუთში მოსულმა სკოლის მედპერსონალმა გოგონას დახმარება აღმოუჩინა, მაგრამ ის ვერ მოასულიერეს. მოგვიანებით გაირკვა, რომ ჟენიას ვარჯიშის დროს კევი ედო პირში და ღეჭავდა,რომელიც, სავარაუდოდ, სასულეში გადასცდა. 

სასწრაფო დახმარების ბრიგადა გამოზახებიდან ათ წუთში მოვიდა და გოგონას სარეანიმაციო პროცედურები მაღალი ძაბვის დარტყმით ჩაუტარა, მაგრამ ყოველივე ამაო აღმოჩნდა - ბავშვი არ სუნთქავდა. ის სკოლის სპორტდარბაზიდან პირდაპირ პროზექტურაში გადაიყვანეს.

სისხლის სამართლის საქმე "გაუფრთხილებლობით სიცოცხლის მოსპობის" მუხლით აღიძრა. თანაკლასელები უკვე დაკითხეს, დაკითხულია ფიზკულტურის მასწავლებელიც. გამოძიება ეპიზოდში პედაგოგის ბრალეულობასაც სწავლობს.