2014-10-29 21:17

რუსეთში, ნიჟნი ნოვგოროდში დაიწყო სასამართლო პროცესი, რომელიც დახურულ ფორმატში მიმდინარეობს. საქმე ეხება ნეკროფილს, რომელიც საფლავებიდან 15-22 წლის გოგონების ცხედრებს იპარავდა.

გამოძიებით დადგენილია, რომ ანატოლი მოსკვინი მოსკოვის სხვადასხვა სასაფლაოს ღამღამობით სტუმრობდა და საფლავებს თხრიდა, საიდანაც ცხედრებს იპარავდა.

მისი მიზანი ამოთხრილი ცხედრების მუმიად ქცევა იყო. ნეკროფილი მუმიებს სხვადასხვა ფორმას აძლევდა. მაგალითად, ერთერთ ფოტოზე ცხედარს სათამაშო დათვის თავი აქვს დამაგრებული. 40 წლის მამაკაცი ცხედარ-სათამაშოებს ბინაში სხვადასხვა ადგილას ალაგებდა და მათთან ერთობოდა.

დადგენილია, რომ მანიაკმა სულ 150-დე საფლავი გათხარა, ხოლო დაკავების მომენტში მის ბინაში 29 ცხედარი-სათამაშო იყო. მამაკაცი საფლავების გათხრის შემდეგ მიწას ასწორებდა და პირვანდელ სახეს უბრუნებდა, ასე რომ, ჭირისუფლებისთვის შეუმჩნეველი რჩებოდა ცხედრების გაქრობის ფაქტი.

მანიაკს განსაკუთრებით იზიდავდა 15-22 წლის გოგონების ცხედრები. სასამართლო პროცესზე დასწრება გარდაცვლილთა ნათესავებსაც სურდათ, მაგრამ პროცესი დახურეს და მასზე დასწრება მაქსიმალურად შეზღუდულია.