2015-04-05 20:04

„ტაბულის“ დირექტორი თამარ ჩერგოლეიშვილი შსს-ს ხელმძღვანელობას მიმართავს და იმ ჩამონათვალს უგზავნის, რის გამოც, მისი აზრით, პოლიციას ძალა ეცლებოდა და ეცლება.

1. პოლიციას ძალა გამოაცალეთ მაშინ, როდესაც ღარიბაშვილის, მისი სიმამრის და ხვედელიძის უშუალო მონაწილეობით შექმენით ე.წ. პოლიტპატიმართა დაჯგუფებები, რომლებსაც პოლიციელის ცემა 100 ლარი უჯდებოდათ, ისიც იმიტომ რომ კამერამ აღბეჭდა.

2. პოლიციას ძალა გამოაცალეთ მაშინ, როდესაც თვალთმაქცობდით და ოპოზიციის დასარბევად სუსის გაგზავნილ ბანდეროლოგებსა და ოპოზიციას შორის აყენებდით. ოპოზიციისთვის ნასროლი კვერცხები მათ ხვდებოდათ. მათ ზუსტად იცოდნენ, რომ ეს კვერცხები თავიანთი კოლეგების მითითებით იყო ნასროლი.

3. პოლიციას ძალა გამოაცალეთ მაშინ როდესაც მაღალჩინოსნებმა მეგობარ ქალებს ჩააგონეს, რომ პოლიციელების ფურთხება მოსულა, ხოლო როცა გამოაშკარავდა რომ ეს ასეა, ცინარიძე ისევ თანამდებობაზე დარჩა.

4. პოლიციას ძალა გამოაცალეთ მაშინ, როდესაც ფირცხალავას და პოლიტიკური ოპონენტების წინააღმდეგ ჩვენებების გამოძალვის მოტივით 7 სპეცრაზმელი დაატყვევეთ და დღემდე ტყვეობაში გყავთ.

5. პოლიციას ძალა გამოაცალეთ მაშინ, როდესაც პოლიციელის მკვლელ დევაძეს საზღვარზე აპარებდით და გააპარებდით კიდეც, რომ არა სხვა, კოლეგა პოლიციელების პრინციპულობა.

6. პოლიციას ძალას აცლით მაშინ, როდესაც პოლიციელების მიერ წელში გადატეხილი ქურდული სამყაროს დეპორტირებულ წარმომადგენლებს ტრაპთან ხვდებით და მეგობრების მონახულების შემდეგ, მეზობელ ქვეყნებში გადაგყავთ.

7. პოლიციას ძალას აცლით მაშინ, როდესაც მათგან დანაშაულის სტატისტიკის გაყალბებას ითხოვთ და დანაშაულის რეგისტრაციას უკრძალავთ - იმ მიზნით, რომ თქვენი მახინჯ სახეს ვუალი ეფაროს.

8. პოლიციას ძალას აცლით მაშინ, როდესაც კრიმინალთან კავშირში პოლიციის მაღალჩინოსნების მხილებისთვის პატიოსან პოლიციელებს კანონდარღვევით ყრით სამსახურებიდან.

9. პოლიციას ძალას აცლით მაშინ, როდესაც სამსახურებიდან ყრით თავიანთი მოვალეობების შესრულებისას თუ ქართულ ოცნებასთან დაახლოებულ პირებს აწყენინებენ.

10. პოლიციას ძალა გამოაცალეთ მაშინ, როდესაც კრიმინალებს ძეგლი დაუდგით.

11. პოლიციას ძალა გამოაცალეთ მაშინ, როდესაც მინისტრად ჯერ ყველას მიერ საცინად აგდებული ჭიკაიძე დაუნიშნეთ, ხოლო ახლა ბიძინას პირადი დაცვის უფროსი მართავს.

12. პოლიციას ძალას აცლით მაშინ, როდესაც ეს ადამიანები ტელევიზორს რთავენ და ისმენენ, რომ კვლევების მიხედვით საზოგადოებაში მათი ავტორიტეტი ყოველდღე ეცემა.

ჰოდა ნუ გიკვირთ, რომ ეზიზღებით პოლიციელებს. თქვენდამი ზიზღი იმ მიტინგებზე იგრძნობა, სადაც ისინი ჩვენს უსაფრთხოებას იცავენ", - წერს თამარ ჩერგოლეიშვილი.