2016-07-13 10:02

საგურამოში "ქართული ოცნების" ახალი სახეების წარდგენამდე "2030ნიუსი" იმ ახალ სახეთაგან რამდენიმეს ასახელებს, რომლებსაც დღეს პრემიერმინისტრი საზგადოებას გააცნობს, როგორც პარტიის რჩეულებს. 

ამასთან, ცნობილი გახდა, რომ გავრცელებული ინფორმაციის საპირისპიროდ, დღეს საგურამოში არც სიის პირველი ათეული და არც მაჟორიტარობის კანდიდატთა ვინაობები არ დასახელდება. სულ "ქართული ოცნება" 16 ახალ სახეს დაასახელებს. 

2030.news -ის ინფორმაციით, ახალ სახეებს შორის იქნებიან: საქართველოს პრემიერ-მინისტრის თანაშემწე გენდერულ საკითხებში სოფო ჯაფარიძე, სასჯელაღსრულების მინისტრის მოადგილე თამარ ხულორდავა,  იურისტი თამარ ჩუგოშვილი, ადვოკატი მამუკა მდინარაძე, ინტელექტ კლუბ „რა? სად? როდის?“ და "ქართული ოცნების" პოლიტსაბჭოს წევრი ირინა ფრუიძე, შს მინისტრის მოადგილე არჩილ თალაკვაძე, ბიზნესმენი ბექა ოდიშარია.