2015-01-08 05:00

გაზეთ „ასავალ-დასავალში“ გამოქვეყნებულ ინტერვიუს, სადაც გოჩა კეკენაძე ამბობს, რომ თამაზ თამაზაშვილი თბილისში დატრიალებული ძმათამკვლელი ომის დროს კოლხურ კოშკს იცავდა, იბერიულ-კავკასიური მოძრაობის გამგეობის წევრი ზაზა გაბედავა მოსკოვიდან ეხმიანება და წერს, რომ თამაზაშვილი იმ დროს კოლხურ კოშკში არ ყოფილა.

„ბატონ გოჩა კეკენაძეს მინდა მივმართო: მე ვიცი დანამდვილებით, რომ კოლხურ კოშკში არ ყოფილა თამაზ თამაზაშვილი და იქნებ გვითხრათ, ვისი დავალებით წერთ ამას ბატონო კეკენაძე? იქნებ ირაკლი ურუმბეგაშვილისთვის და ზაზა ბურჯანაძისთვისაც გვეკითხა, ვინ იცავდა კოლხურ კოშკს!!!

ჯერ კიდევ ცოცხლები არიან ბიჭები, ვინც მართლა სისხლის ფასად იცავდნენ კოლხურ კოშკს. ჰოდა, თუ სიმართლე გინდათ, კარგი იქნებოდა რომ კეკენაძეს ეთქვა - საერთოდ ის სად იყო 1992 წლის 1- 6 იანვარს? ასე რომ, ეგ ზღაპრები მოუყევით ვინმე სხვას...

პირადად მე კოლხურ კოშკში არ ვყოფილვარ, ბატონი ზვიადის დავალებას ვასრულებდი და ზუგდიდში ვიყავი, მაგრამ ვინც კოშკში იყვნენ, ჩემი მეგობრები არიან და მათგან ვიცი: კოშკში თერჯოლის პრეფექტი აჩიკო მაკარიძე იყო და ზესტაფონელი, აწ გარდაცვლილი ჟანრი საყვარელიძე, პროდუქტებით კი მიშა დათაშვილთან ერთად ისან-სამგორის პრეფექტები ეხმარებოდნენ კოშკის დამცველებს, რომლებიც შემდგომ მაგრად აწამეს...

ინტერვიუ იმათგან აიღონ, ვის კისერზეც გადაიარა ყველაფერმა ამან ... ისიც თქვან , „ხლებნი პლოშადზე“ ჩაცხრილულ იკარუსებში ვინ იყვნენ ის ხალხი ვინც კოშკს იცავდნენ ... ბევრი მათგანი ცოხალია ... მოძებნონ და და ინტერვიუ იმათგან აიღონ, რატო იღებენ ინტერვიუს იმ ხალხისაგან, ვინც იტყუება, არ მესმის...“, - ამბობს ზაზა გაბედავა.