2014-12-13 01:17

"როცა ერთმა ადამიანმა თქვა, რომ მე ვარ ქართველი, მაშასადამე, ევროპელიო, ეს იყო ყველაზე დიდი დანაშაული ამ ადამიანის", - მსახიობ ნოდარ მგალობლიშვილის ამ განცხადებას "რეაქციის" სტუდიაში მყოფი სტუმრების ნაწილი ტაშით შეხვდა.

ნოდარ მგალობლიშვილმა წამყვანის შეკითხვაზე: "რატომ?" უპასუხა: "იმიტომ, რომ ქართველი უნდა იყოს მუდამ ქართველი! რა შუაშია ევროპელი!". მას მხოლოდ გადაცემის წამყვანი ინგა გრიგოლია შეეკამათა:

"რატომ? მე მინდა ევროპელობა, რომ ვიყო ქართველიც და, მაშასადამე, ევროპელიც. თქვენ არ გინდათ? ჩემს ქართველობას ევროპისკენ სწრაფვა არანაირად არ აკნინებს", - თქვა ინგა გრიგოლიამ და დარბაზიდან რეპლიკასაც უპასუხა:

"მე თქვენ არ გედავებით, თუ არ გინდათ ევროპელობა, ეს თქვენი ნებაა, მე კი მინდა", - განაცხადა "რეაქციის" წამყვანმა.