2014-12-10 03:27

საპარლამენტო უმცირესობის წევრმა გივი თარგამაძემ "არჩევანში" განაცხადა, რომ საქართველოს სავაჭრო-სამრეწველო პალატის ვიცე-პრეზიდენტი ლეონარდო დევდარიანი რუსეთის უშიშროების ფედერალური სასმსახურის აგენტია და მას ირაკლი ღარიბაშვილი მფარველობს. 

მისივე თქმით, ლეონარდო დევდარიანის ძმისშვილი ირაკლი ღარიბაშვილმა შს მინისტრობის პერიოდში შსს-ს ადმინისტრაციის უფროსის მოადგილედ დანიშნა. დეპუტატი ამბობს, რომ დევდარიანები საქართველოში ყველა ტენდერს აკონტროლებენ, იგებენ და ბიზნესმენებს აკოტრებენ. 

"მათ მფარველობას ირაკლი ღარიბაშვილი და თამაზ თამაზაშვილი უწევენ, რომელიც ერთ-ერთ დევდარიანს თავადაც იცნობს. თამაზ თამაზაშვილთან ერთად სასჯელს საპყრობილეში ლეონარდო დევდარიანის ნათესავი იხდიდა“, - აცხადებს გივი თარგამაძე და დასძენს, რომ ამის დამადასტურებელი დოკუმენტაციის წარდგენაც შეუძლია.