2014-10-23 18:11

ჟურნალისტი თენგიზ გოგოტიშვილი  რეზო ამაშუკელის დღევანდელ ინტერვიუს „ფეისბუქის“ პირად გვერდზე ეხმაურება.

„საქართველოს მთავარ პროკურატურას:

მოჩვარებული მგოსანი მთელი მჭიდის სროლით ემუქრება პარლამენტის თავმჯდომარეს, ბ-ნ უსუფაშვილს და მის თანაშემწეს, ბ-ნ ზურაბიშვილს.

მთელი საქართველო ურეკავს თურმე და იქნებ თქვენც აგეკრიფათ ამის ნომერი და გეკითხათ, ცოტა ხომ არ აჟრიალებს?“, - წერს თენგო გოგოტიშვილი.

შეგახსენებთ, რომ „ალიასთან“ ინტერვიუში რეზო ამაშუკელი  ლევან თარხნიშვილს სახლიდან გამოთრევით ემუქრება, არ შეარჩენს გივი თარგამაძეს, თეა თუთბერიძეს, დავით ზურაბიშვილს სამშობლოს ღალატს.

პოეტის ჩამონათვალში პარლამენტის თავმჯდომარეც მოხვდა. ამაშუკელი უსუფაშვილს ბანაკიდან გამოქცეულ პიონერს ადარებს.

„დიახ, დიახ, მემუქრებიან, მაგათ ჰგონიათ გამოვალ და ავტეხ წივილ-კივილს, მაგრამ ვერ ეღირსებიან.

სააკაშვილივით გოგლიმოგლით კი არ ვარ გაზრდილი, ქუჩაც ვიცი და ყველაფერიც და სანამ პირს გააღებენ, თითო „აბოიმას“ მიიღებენ მუცელში, ეგ ნაბოზვრები!“,- აცხადებს რეზო  ამაშუკელი.