2014-10-19 17:53

იუმორისტი ნიკა ქავთარაძე „ფეისბუქის“ პირადი გვერდიდან ქალებზე  გახშირებულ ძალადობას გმობს და ბოდიშს უხდის ყველა იმ ქალს, ვისთვისაც შეურაცხყოფა მიუყენებია.

„დღეს ერთმა ჩემმა ყოფილმა გოგომ შემიქო ჩემი საჯარო განცხადებები მოძალადე ქმრებზე და ქალების უფლებებზე.

მაგრამ აღნიშნა, რომ ამ განცხადებებს არ აქვთ მაქსიმალური თანხვედრა ჩემს ნამდვილ სახესთან. ამიტომ საჭიროდ ვთვლი განვმარტო:

1. ჩემს ცხოვრებას მხოლოდ ბულბულების ჭიკჭიკით შესრულებული კლასიკური მუსიკა არ დებია ფონად.

2. მეც მიყვირია.

3. მეც გამიტეხავს ტელევიზორის პულტი/მობილური/ჭიქა გაბრაზებულს.

3. მეც მიმიყენებია სიტყვიერი შეურაცხყოფა.

4.მეც დამიდგამს დრამატული სცენები ეჭვიანობის გამო.

ამიტომ მეც ვარ მოძალადე და ამ მოძალადეს ვებრძვი მთელი ცხოვრება. და ზუსტად ვიცი, რომ თუ ვიცით რაც გვჭირს, მაშინ პრობლემის მოგვარება ბევრად ადვილია.

ბოდიშს ვუხდი ყველა ქალს, ვისთვისაც გული მიტკენია და შეურაცხყოფა მიმიყენებია.

მე ვგმობ ყოველგვარ ძალადობას ქალებზე!!!

P.S. ყველა მათგანი ცოცხალია, ჯანმრთელია და ბევრად ლამაზად გამოიყურება, ვიდრე ჩვენი ერთად ყოფნისას“, - წერს ქავთარაძე.