2014-10-19 16:28

საპარლამენტო უმცირესობის წევრი გოგა ხაჩიძე საქართველოს მთავრობას მიმართავს და აწვდის ინფორმაციას, რომ საკრუიზო ხომალდზე, სადაც, სავარაუდოდ, ებოლას ვირუსია აღმოჩენილი, ქართველი მეზღვარებიც იმყოფებიან და მათი ბედის გარკვევას ითხოვს. 

საკრუიზო ხომალდ Carnival Magic -ზე, რომელზეც სავარაუდოდ ებოლას ვირუსი აღმოჩნდა, იმყოფებიან ქართველი მეზღვაურებიც.

გემი დღეს შედის ტეხასის პორტში, სადაც ეკიპაჟის წევრებს სავარაუდოდ კარანტინში გადაიყვანენ.
მეეჭვება, აშშ-ს სამთავრობო უწყებებს არ მიეწოდებინათ ინფორმაცია საქართველოს საელჩოსთვის ჩვენი მოქალაქეების აღნიშნულ გემზე ყოფნის შესახებ.

იქნებ მოგვაწოდოთ დამატებითი ინფორმაცია(თუ რამე იცით საერთოდ) აღნიშნული პრობლემის შესახებ!
და იქნებ ურჩიოთ საქართველოს ელჩს აშშ-ში, პრეზიდენტ სააკაშვილის შეხვედრებზე თქვენს „გაპრავებას" შეეშვას და საკუთარი ქვეყნის მოქალაქეებზე იზრუნოს", - წერს პარლამენტის წევრი და ინფორმაციასთან დაკავშირებულ ბმულსაც აქვეყნებს.