2014-06-20 10:41

ბაქოში ქართველ დეპუტატებთან დაკავშირებით მომხდარ ინციდენტზე რამდენიმე ვერსია გავრცელდა. ერთერთი ვერსიის ავტორია საფრანგეში მყოფი ქართველი ბიზნესმენი ნუგზარ სულაშვილი, რომელიც „ფეისბუქზე“ წერს, რომ ინფორმაცია პირველწყაროსგან აქვს, მაგრამ ვერ დაასახელებს, რადგან მას სამსახუირიდან დაითხოვენ.

„საგარეო საქმეთა მინისტრის ერთ ერთმა მოადგილემ, ფანჯიკიძის დავალებით დარეკა ბაქოში საქართველოს საელჩოში და მიაწოდა ინფორმაცია, იმის შესახებ, რომ შსს-სგან მიიღეს უტყუარი შეტყობინება, რომელიც ეხებოდა ნაციონალების მიერ საქართველოში დიდძალი თანხის შემოტანას.

ელჩს მისცეს დავალება, რომ სასწრაფოდ მიეღოთ ზომები რათა ბაქოს აეროპორტში მომხადრიყო მათი ფაქტზე აყვანა. ელჩი დაუკავშირდა შესაბამის სამსახურებს და ასეთი სიტყვებით მიმართა - ჩვენ გვაქვს გადამოწმებული ინფორმაცია, რომ საქართველოს ორ მოქალაქეს, რომელთაც გააჩნიათ დიპ.პასპორტი, საბაჟოს გვერდის ავლით საქართველოში გადააქვთ სოლიდური თანხა და შესაძლებელია იყოს იარაღიც.

ამის შესახებ ინფორმირებულია საქართველოს ხელისუფლება და მათი დაპატიმრება ამ დანაშაულზე ჩვენი მხრიდან არ გახდება დიპლომატიური სკანდალის საბაბი, პირიქით, გაგვიხარდება და გვერდში დაგიდგებითო. გამშვებ პუნქტზე მართლაც მოხდა ჯაფარიძისა და ნადირაშვილის შეყოვნება საქმის გარკვევის მიზნით.

ხოლო მაშინ როდესაც საბაჟო სამსახურმა ვერაფერი აღმოაჩინა, ამის შესახებ აცნობეს აზერ-ბის საგარეო საქმეთა მინისტრს და შსს-ს ხელმძღვანელობას, რის შემდეგაც აზრ-ნის საგარეო საქმეთა მინიტრი დაუკავშირდა საქართველოს ელჩს და უსაყვედურა.

რამდენიმე საათში თავად ფანჯიკიძემაც დაურეკა ბატონ ელჩს და დაემუქრა - ახლა მოიფიქრე რამე და როგორც გინდა ისე გამოსაწორე ეს საქმე თორე სამსახურს დაკარგავო. ელჩიც გაბრაზებულა - თქვენ რაღაც სისულელეში თავი გამაყოფიეთ და კიდევ ჩემთან გაქვთ პრეტენზიაო?“- წერს ნუგზარ სულაშვილი.