საერთაშორისო ვოლონტერთა ჯგუფ "ინფორ ნაპალმის" ვებგვერდზე ირაკლი კომახიძე მორიგ ფოტოფაქტებს აქვეყნებს, რითაც დასტურდება, რომ დონბასის რეგიონში რუსეთის შეიარაღებული ძალების საბრძოლო ტექნიკა, სხვა შეიარაღება და საარტილერიო დანადგარებია განლაგებული.
ვოლონტერული აეროდაზვერვის მიერ საერთაშორისო სადაზვერვო გაერთიანება InformNapalm–ის განკარგულებაში გადმოცემულია უკრაინის დონბასის რეგიონში რფ–ს საოკუპაციო ჯარების შეიარაღებისა და ტექნიკის თავმოყრის ადგილის ახალი ფოტომტკიცებულებები.
InformNapalm–ის OSINT–ექსპერტების მიერ გატარებული იდენტიფიკაციის შედეგად დადგინდა, რომ აეროდაზვერვის კადრებში მოხვედრილია რუსი ოკუპანტების გაძლიერებული საბატალიონო–ტაქტიკური ჯგუფი. ხოლო დაფიქსირებული რუსული ექსკლიუზიური საშუალებების ნაწილი ადასტურებს ამ ტაქტიკური დანაყოფის რუსულ კვალს.
ფიქსაციის ადგილი: დონეცკის ოლქი, დასახლებული პუნქტი ჩისტიაკოვოს (ყოფილი ტორეზი) სამხრეთ–დასავლეთით. კოორდინატები: 47°59’26.1″N 38°36’17.0″E.
კადრში მოხვედრილია Т-64БВ და ძველი მოდიფიკაციის Т-72Б (შეიარაღება 125 მმ. ქვემეხი) 20 ერთეული ტანკი, ქვეითთა საბრძოლო მანქანა (БМП-1/БМП-2) 25 ერთეული, თვითმავალი ჰაუბიცა 2С1 «Гвоздика» (122 მმ.) 4 ერთეული, ჯავშანტრანსპორტიორი БТР-80 5 ერთეული, საზენიტო–სარაკეტო კომპლექსი 9К35 «Стрела-10» და სხვა ტექნიკა.
ასევე ფოტომასალაში დაფიქსირებულია რუსული პირველადი დახმარების სადგური (АП-2), რომელიც 2016 წლის აგვისტოში ფიგურირებდა InformNapalm–ის OSINT-გამოძიებაში ე.წ. ავდეევკას პრომზონიდან 3 კმ–ში. თუმცა, ყველაზე მთავარი აღმოჩენაა — 2 ერთეული საინჟინრო გამნაღველი მანქანა «Метеорит»–ი, რომლებიც შეიარაღებაში მხოლოდ რუსეთს გააჩნია.
აღნიშნული საინჟინრო საშუალება თავისი უშუალო დანიშნულების – ობიექტების გამნაღვის გარდა, განკუთვნილია გამაგრებულ შენობა–ნაგებობებში (საყრდენ პუნქტებში) ცოცხალი ძალის განადგურებისთვის. მისი გამოყენება არაპირდაპირი დანიშნულებით დაფიქსირებულია მე–2 ჩეჩნური ომის დროს, დონბასზე დონეცკის აეროპორტის შტურმისას და სირიაში ქ. ჯობართან გამაგრებულ რაიონზე იერიშის მიტანისას.
InformNapalm–ის მიერ გატარებულია არა მხოლოდ პირველადი აერო–ფოტოგადაღების მასალის შესწავლა–დეტალიზაცია და ტექნიკის იდენტიფიკაცია, არამეტ აღმოჩენილია დოკუმენტური ფოტო და ვიდეო მასალა დ/პ ჩიასტიაკოვოს პოლიგონის რაიონიდან, სადაც ზემოხსენებული შეიარაღება და ტექნიკა ბოევიების და რუსი ოკუპანტების სოცქსელების გვერდებზე ფიგურირებს.
ფოტოსურათზე წარმოდგენილია ხსენებულ რაიონში ტანკების კოლონა – 20 ერთეულამდე.
წარმოდგენილი აერო–ფოტოგადაღება ადასტურებს, რომ არანაირი მინსკის და სხვა საერთაშაროსო შეთანხმებები არ სრულდება და არ უწყობს ხელს კონფლიქტის მშვიდობიან მოგვარებას. რუსეთი განაგრძობს ტექნიკისა და შეიარაღების თავმოყრას უკრაინის დონბასის რეგიონის დონეცკისა და ლუგანსკის ოლქებში.
რუსეთის შეკავება შესაძლებელია მხოლოდ საერთაშორისო თანამეგობრობის ერთობლივი ქმედებებით – მისი მკაცრი კონსოლიდაციით, რუსეთის მიმართ ეკონომიკური სანქციების გამკაცრებით და რფ–სთვის გაერო–ს უშიშროების საბჭოში ვეტოს უფლების ჩამორთმევით.
შეგახსენებთ, რომ ევროპის საბჭოს საშემოდგომო სესიაზე, რომელიც 2016 წლის 10 – 14 ოქტომბერს გაიმართა, უკრაინის დელეგაციის მიერ წარდგენილი იყო საერთაშორისო სადაზვერვო გაერთიანება InformNapalm–ის ძალისხმევით მომზადებული მოხსენება დონბასზე რუსული შეიარაღება.
აღნიშნული მოხსენება მკაფიოდ ასახავს იმ შეიარაღება–ტექნიკის შესახებ მტკიცებულებებს, რომელსაც რუსეთის ფედერაცია აწვდის დონბასში მოქმედ ტერორისტულ ძალებს. მათ შორის ფიქსირდება არა მხოლოდ ძველი საბჭოური შეიარაღება, არამედ თანამედროვე ნიმუშის სხვადასხვა საშუალებები, რომლებსაც რუსეთი თავისი მომსახურე სამხედრო პერსონალთან ერთად, აგზავნის უკრაინის აღმოსავლეთში.
არსებულ ვითარებაში უკრაინა საჭიროებს არა მხოლოდ საერთაშორისო თანამეგობრობის ეკონომიკურ, არამედ მის მკვეთრ სამხედრო დახმარებას.
უკრაინის შეიარაღებული ძალების და ეროვნული გვარდიისთვის ლეტალური და არალეტალური თანამედროვე შეიარაღების მიწოდება წარმოადგენს ერთ–ერთ მთავარ ფაქტორს კრემლის აგრესიული ამბიციების შეკავებაში, რომლის გეგმებში უკრაინის სრული ოკუპაცია, ასევე ევროკავშირისა და ნატო–ს საზვრებთან ვითარების დესტაბილიზაცია შედის.
