-
2014-06-17 12:57
ქართველი ბიზნესმენი გიორგი კავკასიძე "ფეისბუქში" წერს, რომ "ქართული ოცნება" პარალელურ სამყაროს ქმნის და ამ პარალელურ სამყაროში ყველაფერი მისთვის იდეალურადაა.
"ჰარი პოტერის არ იყოს, ქართული ოცნება პარალელურ სამყაროს ქმნის, სადაც:
- დემოკრატია ყვავის და იფურჩქნება
- ხალხი მშვიდად, ყოველგვარი ექსცესების გარეშე ირჩევს ერთადერთ, მაღალპროფესიონალურ მმართველ გუნდს
- კრიმინალი იმდენად შემცირებულია რომ პრაქტიკულად აღარ არსებობს
- ციხეში მოხვედრისთვის ხალხი მზადაა ფული გადაიხადოს რათა იქ დასასვენებლად და დასამშვიდებლად მოხვდეს
- არ არსებობს არც ნაციონალური მოძრაობა და არც ხელისუფლების ოპოზიციური რაიმე სერიოზული ძალა, პოლიტიკური რადარები ჩამქრალია
- 60 ქარხანა 7/24 რეჟიმში მუშაობს და თანამედროვე პროდუქციას აწარმოებს
- ზეციური ძალების დახმარებით ქვეყანა აბსოლიტურად დაცულია გარეშე საფრთხეებისგან
- ხორციელდება უზარმაზარი ინფრასტრუქტურული პროექტები, შენდება ავტობანები, აეროპორტები, ესტაკადები, ჩქაროსნული სარკინიგზო გზები
- ყველა მოქალაქე, ვისაც მუშაობა სურს, დასაქმებული და ბედნიერია
- ბანკები სიხარულით გასცემენ უპროცენტო კრედიტებს
- სახელმწიფო მოხელეები უანგაროდ, ყოველგვარი ხელფასისა და ანაზღაურების გარეშე ემსახურებიან ხალხს და ქვეყანას
- მოსახლეობის ავადობა მინიმუმამდეა დაყვანილი რადგან გამოცდილი დასტაქრები უფასოდ მკურნალობენ ყველა ავადმყოფს
- წლის განმავლობაში ტურისტების უწყვეტი ნაკადი ავსებს ახლად აშენებულ კურორტებს, სასტუმროებს
- ბიუჯეტის პროფიციტი იმდენად მაღალია რომ ხელისუფლება საგონებელშია ჩავარდნილი, არ იცის კიდევ რაში დახარჯოს თანხები.
და ეს ყველაფერი ერთი უბრალო, ბრძენი მოქალაქის ძალისხმევის და მზრუნველობის შედეგია...", - წერს გიორგი კავკასიძე.