-
2015-12-24 07:40
ყოფილ პრემიერმინისტრთან და მის ოჯახთან დაახლოებული ჟურნალისტი ნინო ჯღარკავა წერს, რომ ბევრ რამეზე თვალს აქამდე მხოლოდ ირაკლი ღარიბაშვილის გამო ხუჭავდა და მისი გადადგომის შემდეგ გაჩუმებას აღარ აპირებს. „აწი მიფრთხილდნენ...“ - წერს ის „ფეისბუქზე“.
„აქამდე მხოლოდ ირაკლის სკამი მაკავებდა,რომ ბევრ რამეზე თვალი დამეხუჭა,მის გამო თავი შემეკავებინა,აწი კი იცოცხლე მეც გავშლი ხელ-ფეხს და აწი მიფრთხილდნენ. დღესაც ვთვლი ,რომ ირაკლი ღარიბაშვილი იყო ერთ-ერთი ნათელი წერტილი კოალიცია ქართულ ,,ოცნებაში,,კიდევ დარჩა სულ ორ ადამიანი,ვის გამოც შემომრჩა გუნდის პატივისცემა,სულ ესააა ჩემი სათქმელი და დანარჩენს კი არჩევნები გვიჩვენებს,ვინ რა დოზით იქნება წარმოდგენილი!“ - წერს ნინო ჯღარკავა.
ჯღარკავა კოალიცია „ქართული ოცნების“ წევრ იმ მინისტრებსა და დეპუტატებსაც ეხმიანება, რომლებმაც, მისი აზრით, სათანადო პატივით არ გააცილეს ირაკლი ღარიბაშვილი თანამდებობიდან:
„აიი თქვენ მინისტრებო, კოალიციის წევრებოო,დეპუტატებოო, დღეს საღამოს ერთად რომ დამწკრივებულიყავით და საერთო მადლობა გადაგეხადათ ამ წესიერი ბიჭისთვის,კიდევ ჩავთვლიდი რომ ღირსება გაქვთ! მაგრამ ყველა მარტო საკუთარ ტყავზე ფიქრობთ, ირაკლი კი ყველას გწმენდავდათ ნამუსს, ისე ცნობისთვის! ამიტომ, თქვენს კართანაც დაიჩოქებს აქლემი და თქვენ ჩემნაირი ერთი ადამიანიც კი არ გყავთ, რომ კაცურად გაგაცილოთ...“