2015-11-21 03:33

საქართველოს ყოფილი წარმომადგენელი გაეროში, განათლებისა და მეცნიერების ყოფილი მინისტრი კახა ლომაია წერს, რომ მსოფლიო ოჯახების კონგრესი, რომელსაც საქართველოში ლევან ვასაძე უმასპინძლებს, პროროსული განწყობით გამოირჩევა.

"რამდენიმე დღის წინ დაიწერა, რომ ლევან ვასაძე უმასპინძლებს მსოფლიო ოჯახების კონგრესს თბილისში, 2016 წელს. ამ ორგანიზაციის პოლიტიკური ფიზიონომიის დასანახად, საკმარარისია გაეცნო მისი მმართველი დირექტორის ლარი ჯაკობსის შარშანდელ მოხსენებას მოსკოვში (sic!) ჩატარებულ მსგავს ფორუმზე.

მხოლოდ ორი ციტატა მისი გამოსვლიდან (სრული ტექსტი იხილეთ ქვემოთ):

"რუსეთმა უნდა უხელმძღვანელოს აღმოსავლეთ ევროპის ბრძოლას სეკულარული პოლიტიკის წინააღმდეგ...",

"მხოლოდ რუსეთს ძალუძს კონტრ-რევოლუცია მოაწყოს დასავლეთში გავრცელებული სექსუალური რევოლუციის საშინელი ღირებულებების წინააღმეგ".

ეს მოსკოვური ფორუმი, სხვათა შორის, კრემლში ჩატარდა, გასაგებია ვისი დაფინანსებით, და მასში რუსული ისტებლიშმენტის სრულმა თაიგულმა მიიღო მონაწილეობა: ეკლესია, დუმა, მთავრობა და ა.შ.

ასე, რომ გინდა ჩოხა ჩაიცვი და გინდა ამერიკულპასპორტიანი დაიყენე წინ, იმპერიის ყურებს ვერ დამალავ..."