2015-04-06 02:47

„განსხვავებული აქცენტების“ დღევანდელ გადაცემაში დასმულ საკითხს - სახელმწიფო ქონების გადაცემა ბიძინა ივანიშვილის დეიდაშვილისადმი, მარტივად და გასაგებ ენაზე ხსნის ამირან ძოწენიძე, რომელიც „ფეისბუქზე“ წერს: 

სერიიდან, – "ნაციონალები ხომ მოგვაშორა": ბიძინა ივანიშვილის ჯიბის მთავრობამ (მოფერებით საქართველოს მთავრობა, რომ ჰქვია) უჩა მამაცაშვილს (ზვიგენთმპყრობელის საყვარელი დეიდაშვილია, ვინც არ იცით) 2 მილიონზე მეტი ღირებულების ქონება, ინვესტიციის ჩადების პირობით, სიმბოლურ ფასად, ერთ ლარად მიჰყიდა.

ამის მერე, უჩამ ბატბიძინას "ქართუ ბანკისგან", 2 მილიონი, წლიური 11%–ით, ისესხა. ამ 11%–იდან, ჯიბის მთავრობისვე ინიცირებული, "აწარმოე საქართველოში" პროგრამით 10%–ს ბიუჯეტი ფარავს.

ბევრი რომ არ გავაგრძელო, ბიძინამ თავის საყვარელ დეიდაშვილ უჩას ლარად გადასცა 2 მილიონის ქონება და ამ ქონების "მოძრაობაში მოსაყვანად" ასესხა 2 მილიონი, რომლის 10%–ს ბიუჯეტი ფარავს.

მთლად ყრუებისთვის ვაზუსტებ, ბიძინა ივანიშვილმა სახელმწიფოს საკუთრებაში არსებული 2 მილიონად შეფასებული ქონება აჩუქა დეიდაშვილს და მისცა სესხი, რომლის სარგებელს წლიურ 200 ათას ლარს, გადასახადის გადამხდელი , ანუ მე, ის და თქვენ, დიახ, თქვენც, თქვე გამოორმოცდაერთებულებო, ვიხდით!..“