2014-11-26 12:49

ყოფილი თავდაცვის მინისტრის, ირაკლი ალასანიას მეუღლე სოციალური ქსელის აქტიური მომხმარებელია და მეუღლის გადადგომასთან დაკავშირებით ხშირად აქვეყნებს სხვადასხვა შინაარსის სტატუსებს.

მან ბოლო იუმორით გაჯერებული სტატუსი ბიძინა ივანიშვილს მიუძღვნა: „სანამ პროკურორებამდე მივა საქმე, როგორც წესია, ჯერ თქვენ უნდა მოგახსენოთ ბატონო ბიძინა - ჯონ ლენონს დავით საგანელიძემ ესროლა, ჩემი თვალით დავინახე! ირაკლი მოშორებით იყო ამ დროს, უბრალოდ შეესწრო.

საგანელიძე რომ გაიქცა, კამერამ ირაკლი დააფიქსირა, პულსის გასასინჯად რომ მივარდა ჯონს, იმ დროს.“

ნათია ფანჯიკიძეს კეთილისმსურველებმა კეთილი რჩევები მაშინვე მისცეს: ბიძინამ გულში ჩახვევა იცის და საქმეს კიდევ უფრო უარესად ნუ იფუჭებო.

„კი მაგრამ... ხომ ვიკითხე ნებართვა, თავს თუ გამიჭეჭყავენ, ხელის აფარების უფლება მაქვს თუ არა-მეთქი... თითქოს მომეჩვენა, რომ კიო, გაქვსო, მიპასუხა ხალხმა. თანაც უნდა დავაზუსტო, - ბატონი ბიძინა არ გამიქილიკებია, მას უბრალოდ სწორი რამ მივანიშნე, - მხოლოდ ახლობელი რომ გეტყვის, ისეთი და ამიტომაც გაიზიარა. ხომ ხედავთ, ბოლო დღეებია დამატებითი ტალახის გუნდები შეჩერებულია. რომ მძულებოდა, ხომ არ მივწერდი?

ტალახების უღირსმა სროლამ ბევრად უკეთ წარმოაჩინა პირადი და პოლიტიკური დევნა და ირაკლის განადგურების სურვილი და ძალიანაც მომგებიანი იყო ეს ირაკლისთვის, რომელსაც ზედმეტი ლაპარაკი არ უყვარს. უყვარს როცა სხვა გამოხატავს თავის თავს და ამით ხდება ნათელი ბევრი რამ. როგორც ბალანსის და ჰარმონიის დედამ, სწორი და დროული სიტყვით, ბატონი ბიძინას იმიჯი გადავარჩინე.

სიმართლე თუ გნებავთ, ესაა. ნუ ღელავთ... იცის ბატონმა ბიძინამ, რომ ანგელოზები მისმენენ და ისიც იცის, რომ მკურნალი ვარ. ჩვენ ჩვენი უხილავი ურთიერთობა გვაქვს,“ - წერს ნათია ფანჯიკიძე.