თურქეთის ქალაქ რიზეში საქართველოს ექვსი მოქალაქე პროსტიტუციის ბრალდებით დააკავეს. უახლოეს დღეებში მათ ქვეყნიდან გააძევებენ. დაკავებულთა ვინაობა არ სახელდება. ინფორმაციას "გურიანიუსი" თურქულ გამოცემა www.ensonhaber.com-ზე დაყრდნობით ავრცელებს.
თურქი სამართალდამცველები სასტუმროებში, ღამის კლუბებში და სხვა გასართობ ადგილებში რეიდს ატარებდნენ, რა დროსაც ამ ბრალდებით ათეულობით პირი აიყვანეს. სამედიცინო შემოწმების შემდეგ დაკავებულები რიზეს პოლიციის განყოფილებაში გადაიყვანეს, ხოლო საქმე სასამართლოში გადაიგზავნა.