2026-05-10 13:30

ნინო ჩხეიძის გრანდიოზულმა კონცერტმა სპორტის სასახლე ემოციებით, სიყვარულითა და მუსიკით აავსო — საღამო, რომელმაც მსმენელს დაუვიწყარი შთაბეჭდილებები დაუტოვა.

კონცერტის დაწყებიდანვე დარბაზში განსაკუთრებული ატმოსფერო შეიქმნა, სადაც თითოეულ სიმღერას მაყურებელი ერთხმად აჰყვა და საყვარელ არტისტთან ერთად მღეროდა.

საღამოს განმავლობაში შესრულდა როგორც ყველასთვის საყვარელი და წლების განმავლობაში გამორჩეულად პოპულარული ჰიტები, ისე ახალი სიმღერა — „ხან ასეა და ხან ისეა“, რომელიც არტისტმა მსმენელს სცენაზე პირველად წარუდგინა. სიმღერამ მაყურებლის განსაკუთრებული მოწონება და ემოციური ოვაციები დაიმსახურა.

ეს იყო მუსიკით, სიყვარულითა და დადებითი ემოციებით სავსე საღამო, რომელმაც კიდევ ერთხელ დაამტკიცა, თუ რამდენად განსაკუთრებული სიყვარული აკავშირებს ნინო ჩხეიძეს თავის მსმენელთან.