2014-01-31 13:29

საქართველოს პრეზიდენტი (2004-2013 წ.წ.) მიხეილ სააკაშვილი, ქაბულის ცენტრში კაფეზე ტერორისტული თავდასხმის შედეგად მწერალ ალექს პეტერსენის გარდაცვალების ფაქტს ეხმაურება.

აღნიშნულის შესახებ სააკაშვილი „ფეისბუქის“ ოფიციალურ გვერდზე წერს:

„ცუდი ამბავი შევიტყვე... ახალგაზრდა მკვლევარი და ავტორი ალექს პეტერსენი, ქაბულის ცენტრში კაფეზე ტერორისტული შეტევის დროს დაიღუპა. 

ის ძალიან ახალგაზრდა იყო, მაგრამ უკვე ძალიან საინტერესო პოლიტიკური წიგნების ავტორი გახლდათ. 

მე მას 1 წლის წინ შევხვდი, როდესაც ჩემს ბიოგრაფიას წერდა. ალექსმა ძალიან დადებითი შთაბეჭდილება მოახდინა ჩემზე და სამწუხაროა, რომ მისი ცხოვრება ასე დასრულდა“, - წერს სააკაშვილი.