-
2015-11-21 07:21
NDI-ს კვლევის მიხედვით, რომელიც აგვისტოში საქართველოს ქალაქებში: თბილისში, გორში, ქუთაისში, ზუგდიდში, ბათუმში, თელავში, ოზურგეთში, მცხეთასა და ახალციხეში ჩატარდა, „ევრაზიულ კავშირში“ საქართველოს გაერთიანებას ყველაზე ნაკლებად ზუგდიდში გამოკითხულები უჭერენ მხარს, ხოლო გორში - ყველაზე მეტი ემხრობა.
შეკითხვაზე „უჭერთ თუ არა მხარს საქართველოს გაერთიანებას ევრაზიულ კავშირში?“ დასახელებულ ქალაქებში გამოკითხულთა პასუხი „მხარს ვუჭერ“ პროცენტულად ასე გადანაწილდა:
თბილისი - 24%, ბათუმი - 32%, ქუთაისი - 26%, გორი - 33%, ზუგდიდი - 21%, თელავი - 27%, გურჯაანი - 29%, მცხეთა - 27%, ოზურგეთი - 31%, ახალციხე - 31%.
ამასთან, კვლევის სხვა ეტაპზე შეკითხვაზე: „რომელ მოსაზრებას ეთანხმებით?“ განვრცობილი იყო პასუხის ორი ვარიანტი:
„საქართველო უნდა გაწევრიანდეს ევრაზიის კავშირში, რომელიც დაარსებულია რუსეთის ფედერაციის, ბელორუსის და ყაზახეთის მიერ“ და „საქართველო უნდა გაწევრიანდეს ევროკავშირში, რომელიც დაარსებულია დასავლეთ ევროპის ქვეყნების მიერ“.
პასუხები შემდეგნაირად გადანაწილდა: „უნდა გაწევრიანდეს ევრაზიულ კავშირში“ - 28%; „უნდა გაწევრიანდეს ევროკავშირში“ - 47%.
გამოკითხვა ამ ქალაქებში 8 აგვისტოდან 10 სექტემბრამდე პერიოდში ჩატარდა და სულ 4, 448 ადამიანი გამოიკითხა.