-
2015-09-29 22:16
მსახიობი გივი სიხარულიძე რუსეთის ქალაქ ბლაგოვეშენსკის ფესტივალზე ჩასვლას და ადგილობრივ ტვ-სთვის მიცემულ თავის ინტერვიუსთან დაკავშირებით ატეხილ აჟიოტაჟს "ამბები.ჯი"-სთან ინტერვიუში ეხმიანება. ინტერვიუში მსახიობი აცხადებს, რომ მას "რუსული სული" უყვარს და ის განსაკუთრებულია მთელ მსოფლიოში.
"მაგათ გადაეცით, გივი სიხარულიძემ შემოგითვალათ - შე...თ ყველასო!", - ასე ეხმიანება მსახიობი იმ ინტერნეტმომხმარებლებს, ვინც აღნიშნული ინტერვიუს გამო ლანძღავდა.
"მე პირდაპირ ვამბობ ერთ რამეს, რომელსაც ახლაც გავიმეორებ - მე მეზიზღება ჟირინოვსკის რუსეთი, თუმცა ძალიან მიყვარს და სანუკვარი რამაა პუშკინის, ლერმონტოვის და ჩეხოვის რუსეთი და საერთოდაც, რუსი ხალხი მიყვარს. მე ნახევრად რუსი ვარ, დედა მყავდა რუსი და როგორ შეიძლება რუსები არ მიყვარდნენ?! ჩემთვის მარცხენა ხელი რუსეთია და მარჯვენა საქართველო.
მე მეზიზღება გენერალიტეტის რუსეთი. მე უბრალო რუსი ხალხი მიყვარს და უდიდეს პატივს ვცემ მათ. მოიცა, რა, სააკაშვილის დროს რუსული სიმღერაც კი აკრძალული იყო და მაშინ რუსი ხალხი არ ეზიზღებოდათ? ზუსტად ამ მორალით ხელმძღვანელობს რუსი ხალხიც. ჩვენ რუსი ხალხი არ უნდა აღვიქვათ მტრად, ჩვენი მტერი რუსეთის ხელისუფლებაა", - განაცხადა სიხარულიძემ.