-
2015-06-16 22:53
"...პირველი ემოცია - საშინელი შეურაცხყოფის გრძნობა იყო. ამას მოყვა ბრაზიც. ადამიანების დაღუპული სიცოცხლე და რისკი, რასაც ტრაგედიის ღამეს ჩვენი თანამშრომლები წევდნენ, მსგავს სიტყვებს უბრალოდ არ იმსახურებდა", - ამის შესახებ ზოოპარკის დირექტორმა ზურაბ გურიელიძემ "ლიბერალთან" ინტერვიუში განაცხადა.
მისი თქმით, იმ დროს არ ჰქონდა საშუალება განცხადებებისთვის თვალე ედევნებინა, მაგრამ კომენტარი ჟურნალისტებმა სთხოვეს და მისთვის პატრიარქის სიტყვების მოსმენა აბსოლუტურად მოულოდნელი იყო:
"ამის მოსმენა აბსოლუტურად მოულოდნელი იყო. 1927 წელს ასეთი რამ რომც მომხდარიყო, მას შემდეგ თითქმის საუკუნე გავიდა. არ მესმის, რას ემსახურებოდა ეს სიტყვები. მოგეხსენებათ, იმ დროს არ მქონდა საშუალება ტელევიზორისთვის მეყურებინა ან რამეს გავცნობოდი, მაგრამ ამასთან დაკავშირებით ჟურნალისტებმა მთხოვეს კომენტარის გაკეთება..."
შეგახსენებთ, ტრაგედიიდან მეორე დღეს, საკვირაო ქადაგებისას, საქართველოს კათოლიკოს-პატრიარქმა განაცხადა, რომ ზოოპარკი ვერ გაიხარებდა, რადგან იმ ადგილას იყო აშენებული, სადაც კომუნისტები საეკლესიო ზარებს აგროვებდნენ და ადნობდნენ.