2014-12-10 23:20

წინა თვის განმავლობაში მთელი აფხაზეთის მასშტაბით 200-ზე მეტი მძიმე შედეგით დასრულებული ავტოსაგზაო შემთხვევა მოხდა.

8 დეკემბერს შუაღამისას დრანდაში „მერსედესი“ „ჟიგულს“ შეეჯახა, რის სედეგადაც ოთხი ადამიანი დაიღუპა, 9 დეკემბერს კი სოხუმის ცენტრში შავი „ლექსუსი“ სამ ქვეითად მოსიარულეს დაეჯახა, რომლებიც ამ დრომდე მძიმე მდგომარეობაში არიან. მძღოლ ავარიის ადგილიდან მიიმალა.

როგორც აღმოჩნდა, ხშირ შემთხვევაში ავარიაში დამნაშავედ მიჩნეული მძღოლები ნარკოტიკული საშუალებების, ძირითადად, მარიხუანას გავლენის ქვეშ იყვნენ.

აფხაზეთის ე.წ. პრეზიდენტმა რაულ ხაჯიმბამ დღეს ავტოინსპექციის თანამშრომლებს მკაცრი მითითება მისცა, რომ დამრღვევი მძღოლების მიმართ ზომები გაამკაცრონ. ხაჯიმბას თქმით, ზოგ შემთხვევაში საჭიროა არამხოლოდ მართვის მოწმობის ჩამორთმევა, არამედ სატრანსპორტო საშუალების კონფისკაციაც.