2014-12-07 14:14

რუსეთის სასჯელაღსრულების სამსახურმა დაიწყო „მატროსსკაია ტიშინაში“ მომხდარი სისხლიანი გარჩევების შესწავლა, რომელშიც ქართველი ე.წ. კანონიერი ქურდი ნუკრი დოჩიაც ფიგურირებს.

გარჩევის დროს წარმოშობილ ჩხუბში ტრავმები მიიღეს ქილერმა ნაზიმ გუმბათოვმა და კრიმინალურმა ავტორიტეტმა ზაურ ალიევმა, იგივე „ზაიკამ“.

გასულ კვირას ზაურ ალიევის საკანში პატომართა ჯგუფი შეიჭრა, რომელსაც ნაზიმ გუმბათოვი ხელმძღვანელობდა. ისინი რამდენიმე საათის განმავლობაში სცემდნენ „ზაიკას“, პარალელურად კი მომხდარის ტრანსლაციას „სკაიპის“ მეშვეობით ახდენდნენ აზერბაიჯანის ერთერთ კოლონიაში, სადაც „კანონიერი ქურდი“ ნადირ სალიფოვი, იგივე ლოტუ გული იმყოფება.

სწორედ ეს „ქურდი“ იყო თავდასხმის ორგანიზატორი, რომელსაც რვა წლის წინ მისთვის მიყენებული შეურაცხყოფის გამო შურისძიება სურდა.

ამ თავდასხმით ყველაფერი არ დამთავრებულა: 2 დეკემბერს „მატროსსკაია ტიშინას“ მაყურებელმა, „კანონიერმა ქურდმა“ ნუკრი დოჩიამ, იგივე „ნუკრი გალსკიმ“ თანამზრახველებთან ერთად სცემა ამ თავდასხმის მონაწილეები ისე, რომ ნაზიმი და კიდევ შვიდი ადამიანი ლაზარეთში აღმოჩნდა.

წყარო: როსბალტ. რუ