2013-07-23 22:14

ლეღვის ნახარშით მიღებული პირველი დამწვრობის პირველი შემთხვევა წელს თბილისში დაფიქსირდა. 

დამწვრობის ეროვნული ცენტრის რეანიმაციულ განყოფილებაში მოთავსებულ 25 წლის გოგონას სხეულის 40%–ის ქიმიური დამწყრობა აქვს მიღებული.

დამწვრობის ცენტრის ექიმის გუგა ქაშიბაძის თქმით, პაციენტის ჯანმრთელობის მდგომარეობა ამ დროისთვის სტაბილურია და მას დამწვრობა ძირითადად კიდურებსა და მუცლის არეში აღენიშნება.

„ამ წუთას მისი მდგომარეობა სტაბილურია, თუმცა მას რეანიმაციის და ინტენსიური თერაპიის განყოფილებაში მოხვედრა მოუწია. მიღებული აქვს სხეულის ქიმიური დამწვრობა 40%, ძირითადად დამწვარია ქვემო და ზემო კიდურები და მუცლის წინა ზედაპირი,“– განაცხადა გუგა ქაშიბაძემ.