2016-06-05 00:39

ე.წ. დონეცკის სახალხო რესპუბლიკის უკანონო შეიარაღებული ფორმირების ცნობილი საველე მეთაური მეტსახელად "მოტოროლა" მძიმედ დაიჭრა, რის შემდეგაც სასწრაფო ოპერაციის ჩასატარებლად სანკტ-პეტერბურგში გადაიყვანეს. მას ცალი თვალის ამპუტაცია დასჭირდება.

"მოტოროლას" დაჭრის შესახებ ინფორმაცია არაერთხელ გავრცელდა, მაგრამ არ დადასტურებულა, ამჯერად კი ცნობას საველე მეთაურისა და "ბოევიკის" დაჭრის შესახებ ე.წ. სახალხო რესპუბლიკის თვითგამოცხადებული საგარეო საქმეთა სამინისტროს წარმომადგენელი ავრცელებს. 

საუბარია ოფიციალურ გვერდზე "სვოდკი ოპოლჩენია"("ცნობები მოხალისეთა რაზმებზე") "ტვიტერზე", სადაც წერია: "მოტოროლა" დაჭრილია. საშინელი ბრძოლის დროს მას ნამსხვრევმა მარცხენა თვალი დაუზიანა. არსენი (არსენ პავლოვი - "მოტოროლას" ნამდვილი სახელი და გვარია, - რედ.)გადავიყვანეთ პიტერში (სანკტ-პეტერბურგში, - რედ.), სადაც ამჟამად ოპერაცია უკეთდება".