2021-03-22 14:34

21 მარტს სიყვარულისა და სილამაზის პლანეტა, ვენერა ვერძის ზოდიაქოში გადავიდა. აქვე იმყოფება მზეც. მოგინდებათ ლიდერობა ურთიერთობაში, რადიკალური ცვლილებები, გარეგნობის, ჩაცმის სტილის შეცვლა. 14 აპრილამდე პირად ცხოვრებაში აქტუალური იქნება სამართლიანობა, გულახდილობა და ტემპერამენტიანობა. 23-27 მარტის პერიოდში, გირჩევთ, სიფრთხილე გამოიჩინოთ მგზავრობისას, საჭესთან. დაიცავით უსაფრთხოების ნორმები. 28 მარტს იქნება სავსემთვარეობა.  გექნებათ მომატებულია ემოციურობა და ფრთხილად იყავით.

22 მარტი, მთვარე კირჩხიბშია. იმატებს მგრძნობელობა და ემოციურობა. დიასახლისებს საჭმელი  გამოსდის განსაკუთრებით გემრიელი. სასარგებლოა პურისა და სხვა ფქვილეულის გამოცხობა. არ გადატვირთოთ კუჭი.
კარგია  აბაზანის მიღება, კარგ შედეგს მოგიტანთ დამატენიანებელი კრემების გამოყენება.

24 მარტი, მთვარე ლომშია. არტისტული მთვარე. მოიმატებს შემოქმედებითი განწყობა, რაიმეს კეთების სურვილი. გავუფრთხილდეთ გულს. არ გადაიღალოთ. მოიმატებს ფლირტის სურვილი.  გაუფრთხილდით გულს.
კარგია ზურგის გავარჯიშება, სუნთქვითი ვარჯიშები. ფუტკრის ნაწარმზე დამზადებული კრემების გამოყენება. თმის შეჭრა, რომ მოცულობასა და სიგრძეში სწრაფად გაიზარდოს.

26 მარტი, მთვარე 7:25-ზე გადავა ქალწულში. პედანტური მთვარე. მოიმატებს შრომისუნარიანობა. მეტად გამოიჩენთ ყურადღებას ჯანმრთელობის მიმართ. მოსაფრთხილებლია ნაწლავები. ეცადეთ, სწორად იკვებოთ. კარგია სახლის, პირადი ნივთების დალაგება. ჯანსაღი საკვების მიღება. დღის რეჟიმის დაცვა, გამწმენდი პროცედურების ჩატარება, პილინგი, ფიტოთერაპია.

28 მარტი, მთვარე 9:22-ზე ესტუმრება სასწორს. ესთეტიკური მთვარე. ქალს სილამაზისა და ჰარმონიისკენ სწრაფვის სურვილი უჩნდება. ჩაიტარეთ კოსმეტიკური პროცედურები. მოუფრთხილდით თირკმლებს. შეამცირეთ ხორცეული და მარილიანი საკვები. მიიღეთ ხილი, დალიეთ მინერალური წყალი და მწვანე ჩაი.