2021-03-05 14:21

ქართველი მოდელი ეთო მიგრიაული, რომელიც თაკო ჩხეიძის სამოდელო სააგენტო Geomodels-ის წარმომადგენელია, საერთაშორისო ბრენდის, David Koma-ს ახალი კოლექციის სახე გახდა.

4 მარტს მოდელი "კომას" ახალი, 2021 წლის შემოდგომა-ზამთრის კოლექციის ონლაინჩვენების პოდიუმზე გამოვიდა.

როგორც ბრენდის  მიერ გავრცელებულ ვიდეო რგოლში ჩანს, ეთო მონაწილეობს კოლექციის პრეანონსშიც.

 David Koma-ს ქართველი დიზაინერი დავით კომახიძე ხელმძღვანელობს და ბრენდის სამოსს უცხოელი ვარსკვლავები ხშირად ირგებენ ხოლმე.