
უკრაინის პრემირმინისტრი არსენი იაცენიუკი სამუშაო ვიზიტით ამერიკის შეერთებულ შტატებში იმყოფება. იაცენიუკი დღეს აშშ-ს ლიდერს, ბარაკ ობამას შეხვდება.
თეთრი სახლის მიერ გავრცელებული განცხადების თანახმად, იაცენიუკის ვიზიტი აშშ-ში ხაზს გაუსვამს ამერიკის შეერთებული შტატების ძლიერ მხარდაჭერას უკრაინელი ხალხის მიმართ.
"პრეზიდენტი ობამა და პრემიერ-მინისტრი იაცენიუკი განიხილავენ, თუ როგორ იპოვონ ყირიმში რუსეთის მიმდინარე სამხედრო ინტერვენციის მშვიდობიანი მოგვარების გზები, რომელიც უზრუნველყოფს უკრაინის სუვერენიტეტსა და ტერიტორიულ მთლიანობას", - ნათქვამია თეთრი სახლის მიერ გავრცელებულ განცხადებაში.
პრეზიდენტი ბარაქ ობამა და უკრაინის პრემიერი არსენი იაცენიუკი შეხვედრისას განიხილავენ, თუ როგორ შეუძლია საერთაშორისო თანამეგობრობას დახმარება გაუწიოს უკრაინას ეკონომიკური პრობლემების დაძლევაში.