2020-04-28 16:34

ავსტრალიის ჯანდაცვის მინისტრის განცხადებით, ქვეყანაში შიდა გავრცელება ფაქტობრივად აღარ ფიქსირდება. მისი თქმით,, ავსტრალია კორონავირუსს ამარცხებს, თუმცა საბოლოოდ ჯერ არ გაუმარჯვია.

„ჩვენ ვიგებთ, მაგრამ ჯერ არ გაგვიმარჯვია“, - განაცხადა გრეგ ჰანთმა.

ცნობისთვის, ბოლო დღე-ღამის განმავლობაში ავსტრალიაში კორონავირუსის 11 ახალი შემთხვევა გამოვლინდა. საერთო ჯამში ქვეყანაში ვირუსის 6 700-ზე მეტი შემთხვევაა დადასტურებული, ხოლო გარდაცვლილთა რაოდენობა 84-ს აღწევს.

ამასთან, ქვეყანამ დაწესებული შეზღუდვების მოხსნა ეტაპობრივად დაიწყო. სიდნეიში ცნობილი ბონდის სანაპირო და ტურისტებისთვის მიმზიდველი კიდევ რამდენიმე ადგილი გაიხსნა.