2020-03-25 16:42

  საკარანტინო ზონაში წარმოებული პროდუქცია  უვნებელი და უსაფრთხოა.ამის შესახებ სოფლის მეურნეობის მინისტრმა, ლევან დავითაშვილმა ჟურნალისტებს მარნეულის საკარანტინო ზონაში შესასვლელთან განუცხდა.

„რა თქმა უნდა, მოდიოდეს პროდუქტი და ხდება კიდევაც ამ პროდუქტის გამოტანა. ეს არის აბსოლუტურად უვნებელი, აბსოლუტურად უსაფრთხო. ეს პროდუქტი ბაზარს უნდა მიეწოდებოდეს. აქ არის მნიშვნელოვანი, რომ თვითონ ეს ადამიანები, რომლებიც საკარანტინო ზონაში იმყოფებიან, არ გადაადგილდებიან საკარანტინო ზონის გარეთ. შესაბამისად, ჩვენ აქ გვექნება ორგანიზებულ სავაჭრო სივრცეზე საუბარი, იმისთვის, რომ ერთი მხრივ, მოხდეს პროდუქტის მარტივად შეტანა და მეორე მხრივ, ადგილზე წარმოებული პროდუქტის გარეთ გამოტანა“, - განმარტა მინისტრმა.

21 მარტს საქართველოში საგანგებო მდგომარეობა ამოქმედდა.