2017-09-10 14:00

მიხეილ სააკაშვილმა განაცხადა, რომ არც ხელისუფლების დამხობას გეგმავს უკრაინაში და არც მაიდნის მოწყობას, მისი თქმით "გეგმა ბ-ც" არა აქვს, იმ შემთხვევისთვის, თუ უკრაინაში არ შეუშვებენ. 

მიხეილ სააკაშვილის განცხადებით, პოროშენკოს მისი ეშინია: "მას გადაჭარბებული წარმოდგენა აქვს ჩემს შესაძლებლობებზე", - თქვა საქართველოს მესამე პრეზიდენტმა. 

"პოროშენკოს ჰგონია, რომ თუ მე უკრაინაში შევალ, მას დავამხობ. არ ვიცი, ეს ვინ ჩაუჭედა თავში, მაგრამ მას ჩემი ეშინია. შევარდნაძესაც კი არ ეშინოდა ჩემი ისე, როგორც პოროშენკოს ეშინია. ალბათ, იმიტომ, რომ ხედავს, რამდენი ადამიანი შეიკრიბა არა იმდენად ჩემს, არამედ თავიანთი უფლებების დასაცავად", - დასძინა სააკაშვილმა. 

მისი თქმით, გამორიცხავს, რომ საქართველოში მისი ექსტრადირება მოხდეს, მაგრამ ნებისმიერი სცენარისთვის მზადაა: "პოროშენკოს რომ ჩემი ექსტრადირება სდომოდა, ეს აქამდე მოხდებოდა", - თქვა სააკაშვილმა.