"როგორც სიყვარული მთავრდება ლოგინით, ისე ეს პროცესი მთავრდება გაძვირებით" - ასე უპასუხა "ლეიბორისტული პარტიის" ლიდერმა შალვა ნათელაშვილმა "სემეკი"-ის თავმდჯომარეს ირინა მილორავას კითხვას, რატომ აანონსებენ წინასწარ რა მოხდება.
„ჰესებიც მათია, გადამცემი ხაზებიც მათია, გენერაციაც მათია და საბოლოო ჯამში, თუ ასე გააგრძელეს და ასე გააგრძელებენ ალბათ და ასე დაამთავრებენ, მათი იქნება საბრალდებო სკამი! მე მოვუწოდებ თბილისელებს, რატომ იყურებით ტელევიზორებში? რატომ სხედხართ სახლში? გამოდით და გააკარით ივანიშვილი ტარნსფორმატორზე!“ - განაცხადა შალვა ნათელაშვილმა.
"სემეკ"-ის სხდომათა დარბაზში ამ დროისათვის ვითარება განიმუხტა. შალვა ნათელაშვილი და მისი მხარდამჭერები ადგილზე მჯდომარე აქციას მართავენ და აცხადებენ, რომ დარბაზის დატოვებას არ აპირებენ. მანამდე კი ვითარება სხდომაზე იმდენად დაიძაბა, რომ საპატრულო პოლიციის გამოძახება გახდა საჭირო.
შეგახსენებთ, რომ საქართველოს ელექტროენერგიისა და წყალმომარაგების მარეგულირებელმა კომისიამ თბილისში დენის ტარიფის შესაძლო გაზრდის საკითხი უნდა განიხილოს და გადაწყვეტილება 150 დღის ვადაში მიიღოს.