2016-08-09 10:22

საქართველოს მესამე პრეზიდენტი, ოდესის ოლქის გუბერნატორი მიხეილ სააკაშვილი "ფეისბუქის" საკუთარ გვერდზე საქართველოს რეგიონებისადმი მიმართვებს სამეგრელოდან იწყებს: "მიმართვა მეგრელებს", ასე ჰქვია ვიდეოს, სადაც მიხეილ სააკაშვილი ამბობს, რომ საქართველოს ჭაობიდან ამოყვანის საქმეში სამეგრელო ლოკომოტივი უნდა გახდეს.

"ჩვენ კარგად ვიცით, რომ ივანიშვილს დიდად არ ეპიტნავება და არ უყვარს სამეგრელო, მაგრამ დანარჩენმა საქართველომ იცის მისი პოტენციალი. სამეგრელო უნდა გიყვარდეს და გესმოდეს. საქართველოს ჭაობიდან ამოყვანის საქმეში სამეგრელო უნდა გახდეს ლოკომოტივი, ხოლო თითოეული თქვენგანი - მემანქანე", - ამბობს მიმართვაში მიხეილ სააკაშვილი. 

ამავე გვერდზე საქართველოს სხვა რეგიონების მცხოვრებლებისადმი მიმართვაც ქვეყნდება.