-
2016-07-28 21:32
ორი რესპუბლიკელი მინისტრი - თინა ხიდაშელი და პაატა ზაქარეიშვილი თანამდებობებს ტოვებენ. ორივე მინისტრის თანამდებობა 1 აგვისტოდან ვაკანტური ხდება. თინა ხიდაშელი დღეს კრწანისის სასწავლო ცენტრში აპირებდა განცხადების გაკეთებას, მაგრამ გადაიფიქრა. "ქართული ოცნების" პოლიტსაბჭო უკვე შეიკრიბა ორი მინისტრის შემცვლელზე მსჯელობის მიზნით.
რესპუბლიკური პარტიის სხვა წარმომადგენლები აცხადებენ, რომ მოულოდნელი არაფერი მომხდარა და ის, რომ ხიდაშელიც და ზაქარეიშვილიც თანამდებობებს დატოვებდნენ, წინასაარჩევნო კამპანიაში მათი ჩართვითაა განპირობებული.
სხვადასხვა მედიასაშუალება თავდაცვის მინისტრის სავარაუდო შემცვლელებზე წერს. მაგალითად, "პირველი რადიო" აქვეყნებს ინფორმაციას, რომ მინისტრად თეონა აქუბარდიას კანდიდატურა განიხილება. სახელდებიან ასევე კახი კახიშვილი, ირაკლი სესიაშვილი და კობა კობალაძე.