2015-03-06 13:17

72 წლის ჰარისონ ფორდი საკუთარი თვითმფრინავით სანტა მონიკას აეროპორტის მახლობლად, გოლფის მოედანზე ჩამოვარდა.

ერთ-ერთი ვერსიით, პატარა ზომის ძველებური თვითმფრინავი, რომელსაც ჰარისონ ფორდი მართავდა, ტექნიკურად არ იყო გამართული.

გოლფის მოედანზე დამონტაჟებულმა ვიდეოკამერებმა დააფიქსირეს, როგორ ცდილობდა მსახიობი დამოუკიდებლად გადმოსვლას დამტვრეული თვითმფრინავიდან.

სასწრაფო დახმარების ექიმებს მსახიობი გონზე დახვდათ, თუმცა თვითმხილველთა თქმით, ჰარისონ ფორდმა უამრავი ტრამვა მიიღო და ბევრი სისხლი დაკარგა.

მოგვიანებით გავრცელდა ინფორმაცია, რომ მისი მდგომარეობა მძიმე, თუმცა სტაბილურია.