2015-01-13 16:24

სოციალურ ქსელში გავრცელებულმა ფოტომ, რომელზეც ახალ უნიფორმაში გამოწყობილი „რუსეთის ფოსტის“  თანამშრომელი პოზირებს, ინტერნეტმომხმარებელთა აღშფოთება გამოიწვია.

როგორც სოციალური ქსელის მომხმარებლები წერენ, რუსეთის პრეზიდენტის, ვლადიმერ  პუტინისგან, მის მიერ გატარებული პოლიტიკის გამო, აღაფერი უკვირთ, თუმცა ასეთ დაცინვას  ნამდვილად არ ელოდნენ.

რუსული საზოგადოებისთვის ნამდვილად გაუგებარია, რა პრინციპებით ხელმძღვანელობდნენ დიზაინერები,  როდესაც ასეთ უნიფორმას ქმნიდნენ.

გასაგებია, რომ სამოსის ნაჭერი ხარისხიანი უნდა იყოს და სატარებლადაც მოსახერხებელი, მაგრამ ეს საზიზღარი ნაციზმის სიმბოლო რაღა შუაშია, რომელსაც მთელი მსოფლიო გმობს?

უფრო მეტიც, თავად გერმანიაშიც  არათუ სამოქალაქო, სამხედრო სამსახურსაც კი არ უცდია თავის უნიფორმაში ჰიტლერის არმიის სამოსიდან ერთი ელემენტი მაინც გამოეყენებინა.  

დაამტკიცებს თუ არა „რუსეთის ფოსტა“ ამ უნიფორმას თავისი თანამშრომლებისთვის, ჯერჯერობით უცნობია, თუმცა ქვეყნისგან, რომელიც ლგბტ თემის წარმომადგენლებს საჭესთან დაჯდომას უკრძალავს, ყველაფერი მოსალოდნელია.