2016-08-02 12:01

პოლიტოლოგი გია ხუხაშვილი თავდაცვის მინისტრად ლევან იზორიას დანიშვნას უარყოფითად აფასებს და ამბობს, რომ ის მისთვის ნულოვანი ფიგურაა, თუმცა, სწორ გადაწყვეტილებად მიიჩნევს იმას, რომ თავდაცვის მინისტრად "მძიმეწონოსანი პოლიტიკოსი" არ დაინიშნა. 

"ლევან იზორიაზე მე მაქვს ჩემი პირადი აზრი - ის ჩემთვის ნულოვანი ფიგურაა. რაც შეეხება იმას, რომ მინისტრად არ დაინიშნა პოლიტიკურად მძიმეწონოსანი ფიგურა, ეს არის სწორი გადაწყვეტილება. "რაც შეეხება ქეთევან ციხელაშვილს, ჩემი აზრით, მან კარგად იცის საქმე, არის საკმაოდ კომპეტენტური და მე ეჭვი მაქვს კიდეც, რომ მას მიჰყავდა საქმე იქ და ზაქარეიშვილი ფასადზე იყო მინისტრად დანიშნული", - განაცხადა გია ხუხაშვილმა "კურიერთან" საუბრისას.