მომღერალი და „ცეკვავენ ვარსკვლავების“ მონაწილე ნუცა ბუზალაძე, მორიგი ცეკვის შესწავლის დროს, რეპეტიციაზე დაშავდა.
გოგონამ ფეხი დაიშავა და ძლიერი ტკივილისგან გონებაც კი დაკარგა.
„მე და გიგი გაჩეჩილაძე „ატაცებას“ ვაკეთებდით: „იუთუბში“ ძალიან რთული „ატაცება“ მოვძებნეთ და მის შესრულებას ვცდილობდით.
როგორც იქნა, ილეთი გამოგვივიდა - გიგის მხარზე დავაჯექი და იქიდან ლამაზად უნდა ჩამოვსულიყავი. რატომღაც მომინდა, რომ ეს დამოუკიდებლად გამეკეთებინა. ქვემოთ ფეხი ამისრიალდა და გადამიტრიალდა.
ისეთი ძლიერი ტკივილი ვიგრძენი, რომ 2 წუთის შემდეგ გული წამივიდა. შემდეგ ჩვენმა ექიმმა - გიო ჭინჭარაულმა გონზე მომიყვანა და იმ წამსვე დამეხმარა. ის რომ არ ყოფილიყო, არც ვიცი, რა მოხდებოდა...
ფეხი კოჭთან გადამიტრიალდა - „ატკოჩილი“ მაქვს, რა... ახლა თაბაშირში ჩამისვეს. როგორც ექიმებმა მითხრეს, 3 დღეში ცეკვას შევძლებ.
შესაბამისად, სამშაბათს შოუში მონაწილეობას მივიღებ. ექიმებს ვუჯერებ...“, - აღნიშნა ნუცა ბუზალაძემ.
gzapress.ge
