2014-11-14 14:37

"სახალხო დარბაზი" პროკლამაციას ავრცელებს და 15 ნოემბერს "ნაციონალური მოძრაობის" ინიციატივით დაგეგმილი, ანექსიის საწინააღმდეგო მანიფესტაციის კონტრაქციას აანონსებს.

კონტრაქციის ორგანიზატორები მოქალაქეებს მოუწოდებენ 15 ნოემბერს „ნაციონალური მოძრაობის" აქციის პარალელურად შეიკრიბონ ქალაქის ცენტრში, სასტუმრო ივერიის წინ.

„სრულიად საქართველოს სახალხო დარბაზი 15 ნოემბერს 2 საათზე რესპუბლიკის მოედანზე „სასტუმრო ივერიის" წინ დავუმტკიცებთ მთელ მსოფლიოს, მტერსაც და მოყვარესაც, რომ საქართველო და ქართველი ერი არის ღირსეული, უძველესი და არავის აღარ მისცემს უფლებას, რომ ჩაერიონ ჩვენს საშინაო საქმეებში. დაგვცინონ, ფეხქვეშ გათელონ ჩვენი სარწმუნეობრივი და ეროვნული ღირებულებები. ერი და ბერი საქართველოს სადარაჯოზე!"

"15 ნოემერს ერთიანი ძალისხმევით წერტილი დავუსვათ ნაცმოძრაობად წოდებულ პირსისხლიან ხროვასა და ყველა ქართველთმოძულის პარპაშს საქართველოში. ჩვენ თვითონ აღვასრულოთ სამართლიანობა!!! დიდება უფალს, დიდება საქართველოს!!" - ნათქვამია პროკლამაციაში.