მეუფე იაკობი დაავადებათა კონტროლის ცენტრის დირექტორს ამირან გამყრელიძესა და მის მოადგილეს პაატა იმნაძეს ბოდიშის მოხდას სთხოვს.

გორისა და ატენის ეპარქიაში აღდგომის ღამის მსახურება არ ჩატარდება. სადღესასწაულო ლიტურგია კვირას, ე.წ. კომენდანტის საათის გასვლის შემდეგ დაიწყება და მრევლს ტაძარში მისვლის შესაძლებლობაც აღდგომის დღესასწაულის დღეს - დილით მიეცემა.

„არსებითი მნიშვნელობა არა აქვს, ტაძრებში ღამის ლიტურგია ჩატარდება თუ დილის. წმინდა ცეცხლი საქართველოში დილით ჩამობრძანდება და ტაძრებშიც დილით გადანაწილდება. მრევლს სწორედ აღდგომის დილას შეეძლება ტაძრიდან ცეცხლის წაღება. ჩვენ უზრუნველვყოფთ, რომ ნელ-ნელა და რეკომენდაციების დაცვით შევიდნენ ტაძარში“, - აღნიშნა გორისა და ატენის ეპქრქიის მღვდელმა მამა გიორგიმ

ათობით კადეტი და ინსტრუქტორი, რომელიც 9 მაისის აღლუმისთვის რეპეტიციებს გადიოდა, კორონავირუსით დაინფიცირდა. ინფორმაციას TheMoscowTimes-ი ავრცელებს. ცნობებს ადასტურებს სანქტ პეტერბურგის ელიტარული საზღვაო ძალების სკოლის ხელმძღვანელიც.

გავრცელებული ინფორმაციით, ინფიცირებულია 31 პირი.  

ცნობისთვის, რუსეთი მეორე მსოფლიო ომში გამარჯვების 75 წლისთავთან დაკავშირებით საგანგებოდ ემზადებოდა. ღონისძიებაზე მოწვეულნი იყვნენ მსოფლიო ლიდერებიც. გუშინდელ დღემდე, მოსკოვის განცხადება აღლუმის გადადების შესახებ არ გაუკეთებია. წუხელ, ვლადიმერ პუტინმა აღნიშნა, რომ ღონისძიებები გადაიდო.

ეკონომიკისა და მდგრადი განვითარების მინისტრი, ნათია თურნავა მომავალი კვირიდან იმ კომპანიების შემოწმებას აანონსებს, რომლებიც ონლაინ ვაჭრობით არიან დაკავებული.

აპლიკაცია, რომელიც მომხმარებლებს გააფრთხილებს იმ შემთხვევაში, თუ კონტაქტი ჰქონდათ კორონავირუსით ინფიცირებულ პირთან, ქართველი მოსახლეობისთვის გუშინ გახდა ხელმისაწვდომი და მხოლოდ 24 საათში 151 357-მა მომხარებელმა გადმოწერა. ამის შესახებ ჯანდაცვის სამინისტროში აცხადებენ.

მათი ინფორმაციით, აპლიკაციის გადმომწერთა შორის 92 040 ანდროიდის, ხოლო 59 317 iOS სისტემის მომხმარებელია.

„აპლიკაცია მის მომხმარებლებს შორის განსაზღვრავს სარისკო კონტაქტებს. სარისკო კონტაქტად ითვლება, თუ 2 პირს შორის ინტერაქცია გრძელდება 10 წუთზე დიდხანს და მათ შორის დისტანცია არის 2 მეტრზე ნაკლები. აღნიშნულ ინფორმაციას აპლიკაცია სრულიად ანონიმურად იმახსოვრებს და იმ შემთხვევაში, თუ რომელიმე პირს, ოფიციალური ტესტირების შედეგად დაუდასტურდება ვირუსი, ხდება მისი კონტაქტების გაფრთხილება. აპლიკაცია გადმოწერის შემდეგ არ საჭიროების მობილურის ნომრის მითითებას. მობილურის ნომერი მომხმარებელს შეჰყავს მხოლოდ იმ შემთხვევაში, თუ ლაბორატორიულად დაუდასტურდა COVID-19.

მობილურის ნომრის შეყვანით, მოხდება მისი ინფიცირების სტატუსის გადამოწმება შესაბამის ბაზაში, ცრუ შეტყობინების თავიდან აცილების მიზნით და იმ შემთხვევაში, თუ ინფიცირება ბაზაში დასტურდება, იმ პირებს, ვინც მასთან იმყოფებოდნენ სარისკო კონტაქტში დაეგზავნებათ გაფრთხილება. აპლიკაცია არ მოითხოვს რეგისტრაციას და მომხმარებლის პირადი ინფორმაცია არის სრულიად დაცული.

დისტანციის განსაზღვრის მიზნით, აპლიკაციას სჭირდება წვდომა ბლუთუზსა და ლოკაციაზე. ზოგიერთი ანდროიდის ვერსიაზე კი აპლიკაცია, დამატებით მოითხოვს წვდომას მიკროფონზე, თუმცა არ აქვს შესაძლებლობა და უფლება ჩაიწეროს ან გადასცეს აუდიო შეტყობინება. მიკროფონზე წვდომა საჭიროა, რადგან ანდროიდის ვერსია იყენებს Android Nearby ტექნოლოგიას, ორ სმარტფონს შორის მანძილის დასადგენად. ეს სერვისი იყენებს ულტრაბგერით სიხშირის ტალღებს, რისთვისაც ზოგიერთ შემთხვევაში საჭიროა მიკროფონზე წვდომა. მიკროფონის გამოყენება ხდება ულტრაბგერების (ყურისთვის შეუმჩნეველი სიხშირის ტალღა) აღსაქმელად, რათა მოხდეს მოწყობილობებს შორის მანძილის დადგენა. თუმცა, როდესაც მომხმარებელი აპლიკაციას დააყენებს, მართვის პანელიდან შეუძლია გადამოწმება, თუ რაზე აქვს აპლიკაციას წვდომა მინიჭებული, მიკროფონი ამ ჩამონათვალში არ არის.

ყველა მონაცემი ინახება ექსკლუზიურად თქვენს ტელეფონში. სრული გამჭვირვალობისთვის, საწყისი კოდი ყველასთვის ხელმისაწვდომია Github–ზე: https://github.com/novid20org”,- ნათქვამია ინფორმაციაში.

ბოდბელი მიტროპოლიტის მეუფე იაკობის განცხადებით, მისი ეპარქიის მრევლს სააღდგომო ლიტურგიაზე მისვლის შემთხვევაში, ხელისუფლება სამსახურების დაკარგვით დაემქურა.

ბოლო 24 საათის განმავლობაში, სამართალდამცველების მიერ განხორციელებული მონიტორინგის შედეგად, მთელი ქვეყნის მასშტაბით, საგანგებო მდგომარეობის რეჟიმის და ე.წ. კომენდანტის საათის შეზღუდვების დარღვევის 167 ახალი ფაქტი გამოვლინდა.

ბათუმისა და ლაზეთის ეპარქიაში სამღვდელოება ლოცვებს პირბადით აღავლენს. დეკანოზმა იოანე გორელიშვილმა განაცხადა, რომ პირბადეები სავალდებულო იქნება მრევლისთვისაც.

სახალხო დამცველი, ნინო ლომჯარია შექმნილ ვითარებას „ფეისბუქ“ გვერდზე ეხმაურება.

„ევროპული საქართველოს“ ერთ-ერთი ლიდერი, გიგა ბოკერია ჯანდაცვის მინისტრის, ეკატერინე ტიკარაძის განცხადებას გამოეხმაურა, რომლის აზრით, „იმის დასადგენად, ვრცელდება თუ არა ვირუსი საერთო კოვზით ზიარებისას, მეცნიერული კვლევაა საჭირო“.