"აქცენტის" ინფორმაციით, უკვე დაუკავშირდნენ თბილისში დაკარგული დების - ინდირა და ლიზა ზარანდიების ოჯახს და დაუდასტურეს, რომ ორივე დის ცხედარი ნაპოვნია. დების ცხედართა იდენტიფიცირება თბილისში მყოფმა ოჯახის წევრმა მოახდინა, რის შემდეგაც ტრაგედიის შესახებ ოჯახის დანაღცენ წევრებს შეატყობინა. 

Gurdzhy Geo "იუთუბზე' ავრცელებს ვიდეოს, სადაც სტიქიის შემოტევის შემდეგ არსებული სურათი ვერტმფრენიდან გადაღებულ კადრებშია ასახული. 

"ერთიანი ნაციონალური მოძრაობის" ერთერთი ლიდერი ზურაბ ჭიაბერაშვილი მდინარე ვერეს ადიდებასთან დაკავშირებულ დეტალებს მათ განუმარტავს, ვისაც პოლიტიკური მოტივები არ ამოძრავებს და საკითხში გარკვევა სურს.

კომპანია " საქართველოს ინდუსტრიული ჯგუფის" თითოეული წარმომადგენელი აცნობიერებს, რომ ის რაც გუშინ მოხდა თბილისში არის ყოველი ჩვენთაგანის ტრაგედია. 

საზოგადოება “მოქალაქე” თბილისში მომხდარ სტიქიურ უბედურებასთან დაკავშირებით ბიძინა ივანიშვილის განცხადებას ავრცელებს, რომელშიც ნათქვამია:

სტატიის გამოქვეყნების დროისთვის არსებული ინფორმაციით, 9 ადამიანი დაიღუპა და 20-ზე მეტი დაშავდა, ხოლო 150 ადამიანი უსახლკაროდ დარჩა თბილისში, მდინარე ვერეს ადიდებით გამოწვეული წყალდიდობისას. "ფეისბუქზე" სხვადასხვა უბანში გადაღებული ფოტოები ვრცელდება. 

ზოოპარკის სამი თანამშრომელი, რომლებსაც გვიან ღამის შემდეგ ეძებდნენ, გარადაცვლილები იპოვეს. გარდაცვლილთა შორისაა გულიკო ჭიტაძე - ზოოპარკის ძიძა-მომვლელი, რომელიც ცოტა ხნის წინ ვოლიერში ვეფხვებმა დატორეს. 

"ერთიანი ნაციონალური მოძრაობის" ერთერთი ლიდერი დავით ბაქრაძე წერს, რომ სხვადასხვა ქალაქში დაგეგმილ შეხვედრებზე დროებით უარს ამბობს, დედაქალაქში ბრუნდება და მერიას სთავაზობს, მოქალაქეთა მოხალისე ჯგუფების შექმნას. დავით ბაქრაძის თქმით, ახლა პოლიტიკური განცხადებების დრო არ არის. 

ტელეკომპანია "იმედის" ობიექტივში მოხვდა სამაშველო ოპერაციის ნაწილი, რომელშიც მაშველებთან ერთად თავად მოქალაქეებიც მონაწილეობდნენ და დატბორილი სახლებიდან მოქალაქეები გამოჰყავდათ. 

გრიგოლ გეგელია "ფეისბუქზე" დილის 7 საათზე ვერის ხეობის მიმდებარე ტერიტორიაზე გადაღებულ ფოტოებს აქვეყნებს და აღწერს, რა ხდებოდა მთელი ღამის განმავლობაში მის სახლთან ახლოს.